Skuld

Húsið Skuld stóð við Vestmannabraut 40. Húsið var rifið vegna skipulagsbreytinga og gatnagerðar árið 1971, en Stefán Björnsson og Sigurður Oddsson, báðir formenn, reistu húsið og gáfu því nafn. Nafnið tengist því að þeir félagar þóttust skulda peninga við byggingu hússins.

Annað hús, nokkru nýlegra, heitir Skuld. Það er við Smáragötu 11. Þar býr Sigurgeir Jónasson, ljósmyndari, sem er ættaður frá Skuld og flutti hann nafnið af gamla húsinu yfir á hús sitt.