Blik 1951/Íþróttamál
- ÍÞRÓTTAMÁL
Ásta Haraldsdóttir á Vestmannaeyjamet í hástökki kvenna 1,32 m. Þar eð hún er ung að árum, er þess að vænta, að hún bæti þennan ágæta árangur sinn í íþróttinni.
Magnús Bjarnason er langefnilegasti hástökkvari okkar í drengjaflokki. Síðastliðið sumar stökk hann 1,70 m. á Drengjameistaramóti Íslands og kom flestum mjög á óvart með þessu afreki, enda þá aðeins 16 ára aldri.
.
Auk þess að hafa lokið skyldunámi sínu í sundi hafa þeir Friðrik Ásmundsson og Sveinn Tómasson leyst af hendi allar þrautir í svokölluðu afreksstigi í sundi. Þeir eru hinir fyrstu, er leysa þessa þraut hér í sundlauginni. Með því hafa þeir rutt braut, sem margir eiga vonandi eftir að ganga á eftir þeim.
Þrautir þessa stigs eru: 100 m. bringusund undir 1,35 mín., 1000 m. bringusund undir 22 mín., 100 m. baksund, 50 m. skriðsund, 25 m. björgunarsund með jafningja, afklæðzt á sundi og sýnt björgunar-, lífgunar- og leysitök.
Ég óska þess, að þetta unga íþróttafólk haldi áfram íþróttaiðkunum sínum í tómstundum, kosti kapps um að halda uppi hreinu merki íþróttanna og noti þær til þess að viðhalda æskuþreki sínu.