Blik 1946. Ársrit/Smælki

Gáta

Ég mætti tveim systrum á förnum vegi. Þær voru tvíburar; þó var önnur þeirra einu ári eldri en hin. Hvernig gat þetta verið?

——————

Sá atburður skeði eitt sinn í Bandaríkjunum, að negri heilsaði háttsettum manni mjög virðulega. Hvíti maðurinn svaraði kveðjunni þegar í stað. En þrælaeigandi, sem nærstaddur var, sagði: „Getur þú gert svo lítið úr þér, að taka ofan fyrir svertingja?“ — „Já, vissulega, mér þætti mjög leitt, ef það spyrðist, að hann væri kurteisari í framkomu en ég.“

——————

Skrítlur

Móðirin (hlýðir Gumma yfir kristinfræðin): Mundu það ávallt, Gummi minn, að Abraham nam land samkvæmt boði drottins.
Kennarinn (næsta dag í sögutíma): Hver nam fyrstur Vestmannaeyjar?
Gummi (hróðugur): Abraham.

——————

A.: Það eru ekki margir jafn hamingjusamir og þú í faðmi fjölskyldunnar.
B.: Það má nú segja. Hjónaband mitt er eins og fullkomið lýðveldi. — Konan mín er fjármálaráðherra; tengdamóðir mín stríðsmálaráðherra og dóttir mín kirkjumálaráðherra, og ...
A.: En þú hlýtur að vera forsetinn?
B.: Nei, kunningi, það er auðheyrt, að þú ert fávís piparsveinn. Í forsetastólnum situr auðvitað matreiðslukonan.
A.: En þú, hvað ert þú þá?
B.: Ég er þjóðin, sem borgar skattana.