Ystiklettur
Ystiklettur er austasti klettur norðurklettanna, en hann stendur norður af Víkini þar sem innsiglingin er. Hann er áfastur Miðkletti að norðvestan, og Faxasker stendur norðaustan við hann. Klettshellir er í Ystakletti og þykir hann fallegur sjávarhellir. Lundaveiði er mikið stunduð í Ystakletti, enda gefur kletturinn mjög gott af sér.
Reimleikar í Ystakletti
- „Út'í Ystakletti út' í Ystakletti álfkona bjó...“
Jafnan hefur verið talið að reimt væri í Ystakletti. Einhverju sinni var Guðrún Laugudóttir við heyskap í Ystakletti. Hún var þar ein manna, en hafði hund sinn með sér. Hún svaf í veiðimannabólinu en hundurinn lá utandyra. Nótt eina vaknaði Guðrún við mikinn hávaða úti fyrir. Hundurinn var alveg trylltur. Þegar þetta hafði gengið nokkra stund varð allt í einu dauðaþögn. Í sömu svifum var hundinum fleygt inn til hennar. Þegar hún fór að gæta að þá sá hún að hundurin var steindauður. Hann hafði verið skorinn á háls.
Heimildir
- Sögur og sagnir úr Vestmannaeyjum
- Aðalskipulag Vestmannaeyja 2002-2014