Aðalsteinn Gunnlaugsson
Aðalsteinn Gunnlaugsson fæddist 14. júlí 1910 og lést 27. febrúar 1991. Faðir hans hét Gunnlaugur Sigurðsson og móðir hans Elísabet Arnoddsdóttir. Bræður Aðalsteins voru Arnoddur, Gunnlaugur (hálfbróðir), Friðrik Þórarinn, Jón, Elías og Ingvar. Systur Aðalsteins voru: Sigurbjörg, Guðbjörg Þórsteina og Guðný. Þau systkini voru gjarnan kennd við Gjábakka þar sem þau voru alin upp og bjuggu fram á fullorðinsár. Aðalsteinn var lengi skipstjóri og útgerðarmaður í Eyjum en síðustu árin vann hann sem húsvörður og eftirlitsmaður á Sjúkrahúsi Vestmannaeyja. Hann kvæntist Tómasínu Elínu Ólsen, f. 25.12.1916. Aðalsteinn bjó á Vesturvegi 3b og Hólagötu 15.
Aðalsteinn var formaður á mótorbátnum Lagarfoss.
Óskar Kárason samdi formannavísu um Aðalstein:
- Heppinn sækir hafs á reit
- hann Gjábakka Alli,
- gætinn vel á gýmis sveit,
- gjöll þótt Lagga skralli.
Óskar samdi seinna aðra vísu um hann:
- Bræðra nú þáttskal þræða,
- þrjár má ég vísur pára.
- Elztur er Aðalsteinn helztur,
- yggurinn Gunnlaugs dyggur.
- Veiðir sá garpur greiður,
- græðis þó hamist flæður.
- Stýrir Atla órýrum
- ágætis drengurinn mætur.
Heimildir
- Óskar Kárason. Formannavísur. Vestmannaeyjum, 1950.
- Óskar Kárason. Formannavísur II. Vestmannaeyjum, 1956.