Halldór Gunnlaugsson Þórhallsson
Halldór Gunnlaugsson Þórhallsson auglýsingateiknari, sýningastjóri fæddist 17. júlí 1924 og lést 17. ágúst 1975.
Foreldrar hans voru Þórhallur Gunnlaugsson símstöðvarstjóri, f. 29. nóvember 1886, d. 5. apríl 1966, og kona hans Ingibjörg Ólafsdóttir húsfreyja, f. 12. september 1893, d. 23. ágúst 1966.
Börn Ingibjargar og Þórhalls:
1. Ása María Þórhallsdóttir, f. 23. júlí 1923, d. 18. september 2010.
2. Halldór Gunnlaugsson Þórhallsson, f. 27. júlí 1924, d. 17. ágúst 1975.
3. Ólafur Friðrik Þórhallsson, f. 25. nóvember 1926, d. 13. mars 1993.
Halldór varð stúdent í M.A., lærði auglýsingateikningu í Khöfn 1946.
Hann vann á auglýsingastofu Landsímans til 1950, flutti til Eyja 1950, varð sýningastjóri í kvikmyndahúsi þar. Hann flutti til Rvk 1957, varð sýningastjóri í Laugarásbíói og vann jafnframt að auglýsingateikningum. Hann flutti í Kópavog og varð sýningastjóri við Kópavogsbíó.
Hann flutti til New York og þar varð hann auglýsingastjóri hjá Sölumiðstöð Hraðfrystihúsana (Cold Water Seafood Corporation).
Þau Þóra giftu sig 1950, eignuðust eitt barn, en skildu.
Þau Þóra giftu sig 1963.
I. Kona Halldórs, (1950, skildu), var Þóra Ólafsdóttir, f. 7. júlí 1923, d. 14. nóvember 2001. Foreldrar hennar Ólafur Kristinn Jónsson. f. 11. júní 1897, d. 2. ágúst 1971, og Þóra Ingólfsdóttir, f. 27. desember 1897, d. 16. júlí 1923.
Barn þeirra:
1. Þórhallur Halldórsson verkfræðingur, f. 26. október 1952, d. 25. júlí 2016. Kona hans Sue Halldórsson.
II. Kona Halldórs (1963), var Þóra Rún Dgbjartsdóttir, f. 2. desember 1932, d. 13. nóvember 1976. Foreldrar hennar Dagbjartur Elíasson, f. 27. júlí 1890, d. 31. ágúst 1978, og Þórunn Gísla Bogadóttir, f. 27. febrúar 1894, d. 5. mars 1944.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 1975. Minning.
Þessi grein tilheyrir Æviskrám Eyjafólks eftir Víglund Þór Þorsteinsson.