Kristján Jóhannesson (kennari)
Kristján Jóhannesson kennari, vélfræðingur, vélvirkjameistari fæddist 21. febrúar 1945 í Reykjavík.
Foreldrar hans voru Jóhannes Ólafsson garðyrkjubóndi í Ásum í Stafholtstungum, f. 10. nóvember 1918, d. 5. janúar 2005, og kona hans Jóna Kristjánsdóttir húsfreyja, f. 9. ágúst 1915, d.3. júní 1989.
Kjartan lauk gagnfræðaprófi og landsprófi í Héraðsskólanum í Reykholti 1962, stundaði nám í vélvirkjun í Iðnskólanum í Reykjavík 1962-1966, lauk sveinsprófi 1966, fékk meistarabréf 1970, nam í Vélskóla Íslands 1967-1968 og 1969-1971, lauk 4. stigs réttindaprófi 1971, sótti námskeið fyrir starfsmenn Vinnueftirlits ríkisins.
Kjartan var kennari í Vélskóla Íslands í Eyjum 1971-1972, forstöðumaður 1972-1979, var stundakennari í Iðnskólanum í Eyjum 1971-1979, Stýrimannaskólanum í Eyjum öðru hverju 1973-1982, var kennari í Framhaldsskólanum í Eyjum frá stofnun 1979- 1991, kenndi við Fjölbrautarskóla Suðurnesja í Keflavík frá 1991 í 15 ár.
Hann fékkst við önnur störf: Vélvirkjun, vélaviðgerðir, vélstjórn á Herjólfi og Öskju. Hann var umdæmisskoðunarmaður Öryggiseftirlits ríkisins, síðar Vinnueftirlits ríkisins í Eyjum frá 1979. Hann var varamaður í skólanefnd Framhaldsskólans í Eyjum 1979-1984.
Kristján eignaðist barn með Guðrúnu Helgu 1969.
Þau Vigdís giftu sig 1972, eignuðust þrjú börn. Þau bjuggu við Birkihlíð 11 1972, síðar við Fjólugötu 8, búa nú í Bjarkarási 1 í Leirársveit í Borg.
I. Barnsmóðir Kristjáns er Guðrún Helga Gísladóttir á Melum á Kjalarnesi, f. 17. júlí 1940.
Barn þeirra:
1. Þórður Grétar Kristjánsson sendibílstjóri í Hafnarfirði, f. 16. júní 1969.
II. Kona Kristjáns, (17. júní 1972), er Vigdís Hallfríður Guðjónsdóttir húsfreyja, kennari, f. 27. október 1946.
Börn þeirra:
1. Guðjón Jóhannes Kristjánsson sjómaður, f. 9. júlí 1968, ókv.
2. Jóna Kristjánsdóttir skrifstofumaður, f. 18. maí 1971. Fyrrum maður hennar Hlynur Guðmundsson. Maður hennar Gísli Matthías Gíslason.
3. Ingibjörg Kristjánsdóttir skrifstofustjóri í eigin fyrirtæki, f. 3. júlí 1977. Maður hennar Björn Steinar Unnarsson.
Heimildir
- Samantekt: Víglundur Þór Þorsteinsson.
- Íslendingabók.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- Kristján.
Þessi grein tilheyrir Æviskrám Eyjafólks eftir Víglund Þór Þorsteinsson.