Smári Björnsson (Goðalandi)
Ingimundur Smári Björnsson frá Laufási í Víðidal, V.-Hún., bifvélavirki fæddist þar 28. apríl 1947 og lést 21. ágúst 2009 á Selfossi.
Foreldrar hans voru Björn Líndal Guðmundsson bóndi, f. 8. júlí 1906, d. 12. nóvember 1996 og Ingibjörg Jónsdóttir húsfreyja, f. 29. mars 1913, d. 29. janúar 1994.
Smári var með foreldrum sínum.
Hann fékk snemma áhuga á bifvélavirkjun, vann við vélaviðgerðir bæði á Íslandi og um tíma í Svíþjóð og Noregi. Hann vann um skeið í Fiskimjölsverksmiðju Einars Sigurðssonar (FES)
Þau Álfheiður Ósk giftu sig 1982, eignuðust ekki börn saman, en Smári varð fóstri barna hennar. Þau bjuggu í Hornafirði, á Goðalandi við Flatir 16, og síðustu 9 árin á Hvolsvelli.
Ingimundur Smári lést 2009.
Álfheiður Ósk býr á Selfossi.
I. Kona Smára, (28. október 1982), er Álfheiður Ósk Einarsdóttir frá Bjarmalandi á Flötum 10, húsfreyja, f. 28. október 1943.
Börn Álfheiðar og fósturbörn Smára:
1. Bjarni Diðrik Sigurðsson á Selfossi, með doktorspróf í skógfræði, prófessor á Hvanneyri, f. 8. mars 1966. Kona hans Anna Jónsdóttir frá Hellu.
2. Einar Rúnar Sigurðsson ferðaþjónustubóndi í Hofsnesi í Öræfum, f. 26. júlí 1968. Kona hans Matthildur Unnur Þorsteinsdóttir Matthíassonar.
3. Eyrún Ósk Sigurðardóttir, býr á Canaryeyjum, f. 17. september 1972. Barnsfaðir hennar Moshe Biton.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 6. september 2009. Minning.
Þessi grein tilheyrir Æviskrám Eyjafólks eftir Víglund Þór Þorsteinsson.