Guðmundur Lárusson (Akri)
Guðmundur Lárusson rafvirkjameistari frá Akri fæddist þar 9. maí 1939.
Foreldrar hans voru Lárus Guðmundsson rafvirkjameistari, forstöðumaður, f. 13. nóvember 1907 í Byggðarholti, d. 18. febrúar 1985, og kona hans Gréta Vilborg Illugadóttir húsfreyja, f. 13. maí 1912 í Landlyst, d. 1. mars 1999.
Guðmundur ólst upp hjá foreldrum sínum.
Hann nam rafvirkjun við Iðnskólann, tók sveinspróf 1959 og fékk meistararéttindi 1963.
Guðmundur var leiðbeinandi í unglingastarfi við Tómstundaheimilið í Eyjum, var rafvirki hjá Haraldi Eiríkssyni h.f. í Eyjum til 1962, vann hjá Rafröst s.f. í Reykjavík til 1965, var verkstjóri í Raftækjaverksmiðju Ólafs Tryggvasonar til áramóta 1980-1981, þá flokksstjóri hjá Rafmagnsveitu Reykjavíkur og síðan verkstjórnandi hjá Orkuveitu Reykjavíkur til starfsloka 2009.
Kona Guðmundar, (10. júlí 1965), er Aðalheiður Auðunsdóttir húsfreyja, kennari, námsstjóri, f. 6. nóvember 1941 í Reykjarfirði í Reykjafjarðarhreppi Norður-Ísafjarðarsýslu. Foreldrar hennar voru Auðunn Jóhannesson bifreiðastjóri, húsgagnasmiður í Kópavogi, f. 17. desember 1908 í Skálmardal í Múlahreppi í Austur-Barðastrandarsýslu, d. 3. febrúar 2003, og Gróa Jóhanna Salvarsdóttir húsfreyja, veðurathugunarmaður, f. 7. júní 1922 á Bjarnarstöðum í Reykjafjarðarhreppi, d. 27. október 2007.
Börn þeirra:
1. Gréta Vilborg Guðmundsdóttir MA-hönnuður frá Listaháskóla Íslands, f. 25. október 1965. Maður hennar var Úlfar Snær Arnarson kennari.
2. Lárus Steinþór Guðmundsson lyfja- og faraldursfræðingur, PhD (doktor) í líf- og læknavísindum, f. 19. september 1967. Kona hans var Kristín Ólafsdóttir upplýsingafulltrúi.
3. Jóhann Ragnar Guðmundsson augnlæknir, f. 7. desember 1968. Unnusta hans er Jóhanna Karlsdóttir jógakennari.
Heimildir
- Samantekt: Víglundur Þór Þorsteinsson.
- Aðalheiður Auðunsdóttir.
- Rafvirkjatal. Ritstjóri: Þorsteinn Jónsson, Gunnar Guðmundsson og fleiri. Þjóðsaga hf. 1995.
- Vestfirzkar ættir. Arnardalsætt – Eyrardalsætt. Ari Gíslason og V.B. Valdimarsson. V.B. Valdimarsson 1959-1968.
Þessi grein tilheyrir Æviskrám Eyjafólks eftir Víglund Þór Þorsteinsson.