Valgerður Jónsdóttir (Goðafelli)
Valgerður Jónsdóttir á Goðafelli, fyrrum húsfreyja í Nýjabæ í Sandvíkurhreppi í Flóa fæddist 6. janúar 1858 á Fossnesi í Gnúpverjahreppi og lést 31. maí 1949.
Foreldrar hennar voru Jón Jónsson bóndi, f. 8. mars 1820, d. 18. ágúst 1897, og kona hans Guðný Magnúsdóttir frá Fossnesi, húsfreyja, f. 9. apríl 1825, d. 16. september 1898.
Valgerður með foreldrum sínum í Fossnesi 1860, niðursetningur á Hamarsheiði þar 1870, vinnukona í Steinsholti þar 1880.
Hún var gift húskona á Hömrum í Gnúpverjahreppi 1890 með barn sitt Magneu Gísladóttur tveggja ára, húsfreyja í Nýjabæ í Sandvíkurhreppi í Flóa 1901 með börnin Magneu, Guðmund og Valdimar og sambýlismanninn Jónas Jónsson, f. 25. janúar 1859, d. 16. júní 1923, - einnig 1910.
Valgerður var lausakona í Eyðisandvík í Flóa 1920 og á Goðafelli við Hvítingaveg 1930 og 1940, en kommin til Guðmundar sonar síns á Brekastíg 25 1945.
Valgerður lést 1949.
I. Maður Valgerðar var Gísli Guðmundson bóndi á Nýjabæ, f. 14. maí 1840, d. 20. mars 1897.
Börn þeirra hér:
1. Guðmundur Gíslason múrari, afgreiðslumaður, f. 19. október 1893, d. 14. maí 1972.
2. Valdimar Gíslason múrari, síðar í Keflavík, f. 6. júlí 1895, d. 17. júlí 1968.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.