Sjómannadagsblað Vestmannaeyja 1980/Breytingar á flotanum
Breytingar á flotanum
Frá síðasta sjómannadegi hafa orðið talsverðar breytingar á flota okkar Vestmannaeyinga og því miður eru þær flestar okkur í óhag, þ.e. skip fara héðan, ýmist seld eða dæmd ónýt en lítið bætist við af skipum. Á þessu tímabili hafa 10 skip horfið úr flotanum en aðeins tvö bæst í hann. Það má e.t.v. segja að lítil eftirsjá sé í gömlum og úreltum skipum en hitt er alvarlegra þegar endurnýjunin er lítil sem engin. Þetta hefur verið rætt á fundum og ráðstefnum og menn yfirleitt sammála um að þetta sé slæm þróun sem úr verði að bæta. Við skulum vona að meira jafnvægi verði í hlutunum í næsta sjómannadagsblaði.
![](/images/0/05/Screen_Shot_2017-07-11_at_10.33.10.png)
Gunnar Jónsson Ve 555, 247 tonna stálbátur seldur héðan á síðasta ári. Eigendur og skipstjórar voru Jón V. Guðjónsson og Sigurður Georgsson.
![](/images/6/65/Screen_Shot_2017-07-11_at_10.33.23.png)
Erlingur Arnar Ve 124, 127 tonna stálskip, seldur héðan í ársbyrjun. Eigandi og skipstjóri var Richard Sighvatsson.
![](/images/f/fa/Screen_Shot_2017-07-11_at_10.33.32.png)
Þristur Ve 6, 55 tonna tréskip, seldur héðan til Eyrarbakka. Eigendur voru Guðjón Björnsson og Jóhann Guðjónsson sem var skipstjóri.
![](/images/a/ad/Screen_Shot_2017-07-11_at_10.33.40.png)
Ólafur Vestmann Ve 180, 63 tonna tréskip, seldur héðan. Eigendur voru Þór og Snorri Vestmann og var Snorri skipstjóri.
![](/images/5/55/Screen_Shot_2017-07-11_at_10.33.52.png)
Björgvin Ve 72, 39 tonna tréskip, dæmdur ónýtur. Eigendur voru þeir bræður Sigurður og Sigurjón Jónssynir]] frá Engey.
![](/images/3/35/Screen_Shot_2017-07-11_at_10.34.03.png)
Reynir Ve 120, 45 tonna tréskip, dæmdur ónýtur. Eigandi og skipstjóri var Björgvin Magnússon.
![](/images/7/74/Screen_Shot_2017-07-11_at_10.34.09.png)
Burstafell Ve 35, 48 tonna tréskip, dæmt ónýtt. Eigandi og skipstjóri var Þór Vilhjálmsson.
![](/images/a/ac/Screen_Shot_2017-07-11_at_10.34.22.png)
Faldur Ve 138, 46 tonna tréskip, dæmdur ónýtur. Eigandi og skipstjóri var Kjartan M. ívarsson.
![](/images/4/4f/Screen_Shot_2017-07-11_at_10.34.32.png)
Bugur Ve 111, 65 tonna tréskip, dæmdur ónýtur. Eigandi og skipstjóri var Erling Pétursson.
![](/images/c/c4/Screen_Shot_2017-07-11_at_10.34.42.png)
Elliðaey Ve 45, 86 tonna tréskip, dæmt ónýtt. Eigandi og skipstjóri var Gísli Sigmarsson.
![](/images/0/05/Screen_Shot_2017-07-11_at_10.34.53.png)
Nökkvi Ve 65, 53 tonna tréskip keyptur hingað frá Djúpavogi. Eigendur Georg Stanley Aðalsteinsson og Guðjón Aanes sem er skipstjóri.
![](/images/8/85/Screen_Shot_2017-07-11_at_10.35.02.png)
Ölduljón Ve 130, 120 tonna stálskip. Eigendaskipti urðu á bátnum í vetur. Þórður Rafn Sigurðsson keypti bátinn af Sigurði Þórðarsyni og er jafnframt skipstjóri.
![](/images/b/bb/Screen_Shot_2017-07-11_at_10.35.12.png)
Bergey Ve 129, 12 tonna tréskip keypt hingað frá Hornafirði. Eigandi og skipstjóri er Pétur Lúðvíksson.
![](/images/6/6c/Screen_Shot_2017-07-11_at_10.35.20.png)
![](/images/c/c3/Screen_Shot_2017-07-11_at_10.35.29.png)