Kristín Einarsdóttir (Miðhúsum)
Kristín Einarsdóttir vinnukona, síðar húsfreyja Vestanhafs fæddist 6. nóvember 1855 á Loftsölum í Mýrdal og lést 26. október 1891 í Utah.
Foreldrar hennar voru Einar Jónsson bóndi á Loftsölum, f. 1790, d. 9. júlí 1859 á Loftsölum, og kona hans Kristín Árnadóttir húsfreyja, f. 10. september 1815 í Hrífunesi í Skaftártungu, var á lífi 1873.
Bróðir Kristínar var Vigfús Einarsson á Miðhúsum.
Kristín var með foreldrum sínum á Loftsölum til 1859, er faðir hennar lést, síðan með móður sinni þar til 1860 og henni og Jakobi Sigurðssyni stjúpa sínum til 1862.
Hún var með móður sinni á Skagnesi í Mýrdal 1862-1863, í Holti þar frá 1863-1867, er hún fluttist til Vigfúsar bróður síns á Miðhúsum, 12 ára.
Hún ólst síðan upp hjá Vigfúsi og Guðrúnu Guðmundsdóttur næstu árin, var vinnukona hjá þeim 1872 og 1873, í Helgahjalli 1874-1876, hjá Vigfúsi bróður sínum á Miðhúsum 1877 og 1878, á Löndum 1880 og 1881, en á því ári fluttist hún til Utah.
Hún fæddi 5 börn í hjónabandi sínu, en dó úr barnsfararsótt.
Maður Kristínar, (17. nóvember 1881), var Michael Christian Christensen. Þau eignuðust 5 börn.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- The Icelanders of Utah.
- Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.