„Helga Árnadóttir (Túni)“: Munur á milli breytinga
(Ný síða: '''Helga Árnadóttir''' vinnukona í Túni fæddist 23. desember 1831 á Söndum í Meðallandi og lést 2. febrúar 1866 í Túni.<br> Foreldrar hennar voru Árni Á...) |
m (Verndaði „Helga Árnadóttir (Túni)“ ([edit=sysop] (ótiltekinn))) |
(Enginn munur)
| |
Núverandi breyting frá og með 26. apríl 2015 kl. 21:43
Helga Árnadóttir vinnukona í Túni fæddist 23. desember 1831 á Söndum í Meðallandi og lést 2. febrúar 1866 í Túni.
Foreldrar hennar voru Árni Árnason bóndi í Bakkakoti í Meðallandi, f. 8. ágúst 1799 í Guttormshaga í Holtum, d. 9. apríl 1838 í Mýrdal, og barnsmóðir hans Aldís Jónsdóttir, f. 26. febrúar 1809 í Syðri-Vík í Mýrdal, d. 16. ágúst 1889 í Hrífunesi í Skaftátungu.
Helga var með móður sinni á Söndum í æsku, í Efri-Ey 1840, á Syðri-Steinsmýri í Meðallandi 1845, léttakind á Söndum 1847-1854, vinnukona í Mosakoti á Síðu 1854-1855, á Heiði þar 1855-1856, á Hörgslandi þar 1856-1857, á Söndum 1857-1860, í Pétursey í Mýrdal 1860-1861, síðan á Oddum í Meðallandi, var vinnukona á Syðri-Steinsmýri 1862-1863, á Teigingalæk á Brunasandi 1863-1864.
Helga fluttist úr Kálfafellssókn að Túni 1864.
Hún lést í Túni 1866 úr „lifrarveiki“.
Heimildir
- Samantekt: Víglundur Þór Þorsteinsson.
- Prestþjónustubækur.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.