Björn Finnbogason

Fæddist 7. desember 1885, lést 4. apríl 1964.

Björn hóf formennsku sína á áraskipunum um aldamót 19. og 20.aldar í Eyjum.

Hann fæddist að Dvergasteini á Seyðisfirði. Fluttist með foreldrum sínum Rósu Eyjólfsdóttur og Finnboga Björnssyni til Vestmannaeyja og settust þau að í húsinu Nojsomhed. Síðan fluttust þau í húsið Uppsali. Svo flutti fjölskyldana að Norðurgarði sem var æskuheimili Björns og fjögurra bræðra hans. Björn hóf að stunda sjómennsku með föður sínum. Þegar Björn var 15 ára reri hann með föður sínum á áraskipinu Nýja öldin. Eigandi þess skips var Gísli J. Johnsen en Björn eignaðist síðar hluta í því. Björn var svo formaður þess skips þar til vélbátaútgerðin hófst. Gísli og Björn ásamt Birni Jónssyni frá Gerði keyptu vélbátinn Neptúnus og var Björn formaður á honum til árins 1923.

Björn giftist Láru Guðjónsdóttur frá Kirkjubæ árið 1910. Hófu þau þá að reisa heimili sitt Kirkjuland og bjuggu þau þar í rúm 53 ár.

Þau hjón eignuðust sex börn en eitt þeirra lést í æsku.

Björn stundaði ekki einungis sjósókn af kappi heldur einnig fuglaveiðar en Björn var heiðursfélagi í Bjargveiðimannafélagi Vestmannaeyja.

Björn starfaði í sóknarnefnd Landakirkju á þeim árum sem safnað var fyrir nýju orgeli og byggingu fordyris.

---

Heimildir

• Unnið úr grein eftir Friðfinn Finnson frá Oddgeirshólum í Fylki um Björn Finnbogason.