Helgi Jónsson (Kornhól)

Helgi Jónsson bóndi og formaður í Kornhól fæddist 9. júlí 1806 á Eystri-Klasbarði í V-Landeyjum og lést 17. júní 1864, drukknaði.
Faðir hans var Jón bóndi í Álfhólum í V-Landeyjum, f. 1792, d. 6. ágúst 1871, Símonarson bónda á Glæsistöðum í V-Landeyjum, f. 1765, d. 15. febrúar 1840, Einarssonar bónda á Skúmsstöðum í V-Landeyjum, f. 1725, d. 29. apríl 1799, Guðmundssonar, og konu Einars á Skúmsstöðum, Ingibjargar húsfreyju, f. 1734, d. 17. ágúst 1817, Guðmundsdóttur.
Móðir Jóns Símonarsonar og fyrri kona Símonar á Glæsistöðum var Sigríður húsfreyja, f. 1768, d. 5. september 1825, Þorsteinsdóttir prests á Krossi, f. 1735, d. 1784, Stefánssonar, og konu sr. Þorsteins, Margrétar húsfreyju, f. 1735, d. 6. júní 1809, Hjörleifsdóttur prests á Valþjófsstað, Þórðarsonar.

Móðir Helga í Kornhól og fyrri kona Jóns Símonarsonar var Kristín húsfreyja, f. 27. júní 1782, d. 3. júní 1833, Þorleifsdóttir „yngri“, bónda að Hóli í V-Landeyjum, f. 1735, Sigurðssonar sýslumanns Stefánssonar og konu hans, Þórunnar Jónsdóttur húsfreyju, f. (1710).
Móðir Kristínar Þorleifsdóttur og kona Þorleifs yngri var Steinunn húsfreyja, f. 1758, Þórarinsdóttir.

Helgi í Kornhól var með foreldrum sínum í Eystri-Klasbarði 1816. Hann er kvæntur sjómaður í Kornhól 1845 með konu og tvö börn, þar með konu og þrjú börn 1850, 1855 er Jónas fæddur, 5 ára. Á mt. 1860 er Helgi ekkill með syni sína þrjá hjá sér. Í Kornhól var einnig Jóhannes Illugason, sem verið hafði í lífverði Jörundar hundadagakonungs. Hann dó þar á níræðisaldri 1860.
Helgi var formaður á báti, sem fórst við Elliðaey 17. júní 1864.

Helgi í Kornhól var bróðir Kristínar Jónsdóttur á Gjábakka, konu Eiríks Hanssonar.

Helgi var tvíkvæntur.
I. Fyrri kona Helga, (5. september 1835), var Þuríður Björnsdóttir frá Steinsstöðum f. 1813, d. 16. október 1837.
Börn þeirra hér:
1. Jón Helgason, f. 19. október 1834, d. 30. október 1834.
2. Helga Helgadóttir, f. 12. apríl 1836, d. 29. desember 1914. Hún ólst upp hjá föður sínum.
3. Jón Helgason, f. 25. ágúst 1837, d. 3. september 1837.

II. Síðari kona Helga, (19. október 1838), var Sigríður Bjarnadóttir húsfreyja, f. 25. júní 1814, d. fyrir manntal 1860.
Börn þeirra Sigríðar hér:
4. Ingunn Helgadóttir, f. 10. ágúst 1840.
5. Bjarni Helgason, f. 1844. Hann var með foreldrum sínum 1845, 1850 og 1855. Hann er með ekklinum föður sínum 1860, síðar vinnumaður á Ofanleiti, d. 1869. Hann var í drengjaflokki Herfylkingarinnar
6. Árni Helgason, f. 1848. Hann var flokksforingi í Herfylkingunni. Hann var með foreldrum sínum í Kornhól 1850, 1855, með ekklinum föður sínum þar 1860, ókvæntur vinnumaður í Stakkagerði 1870. Árni fór til Vesturheims 1886 frá Norðurgarði.
7. Jónas Helgason, síðar í Nýjabæ f. 26. september 1851, d. 15. apríl 1914.

---

Heimildir

• Samantekt: Víglundur Þór Þorsteinsson.
• Íslendingabók.is.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Prestþjónustubækur.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.
• Vestur-Skaftfellingar 1703-1966. Björn Magnússon. Leiftur 1970-1973.
• Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.