Karl Einarsson (sýslumaður)

Karl Einarsson, sýslumaður. Var alþingismaður Vestmannaeyja 1914 til 1923. Karl fæddist í Miðhúsum í Eiðarþingihá þann 18. janúar 1872. Karl lést í Reykjavík þann 20. September 1970. Foreldrar Karls voru Einar Hinriksson (fæddur 25, janúar 1832, dáinn 19. nóvember 1910) bóndi í Miðhúsum, síðar veitingamaður á Seyðisfirði og kona hans Pálína Vigfúsdóttir (fædd 6. apríl 1851, dáin 25. febrúar 1915). Karl kvæntist þann 13. ágúst 1904 henni Elínu Margréti (fædd 26. september 1879, dáin 31. janúar 1942) dóttur Jónasar Stephensen póstafgreiðslumanns á Seyðisfirði og konu hans Margrét Stefánsdóttir. Karl varð stúdent í Reykjavík 1895. Hann tók lögfræðipróf frá Hafnarháskóla 1903. Karl var settur sýslumaður í Rangárvallasýslu frá 1. ágúst 1904 að telja og sýslumaður í Skaftfellssýslu frá 1. október og gengdi því embætti til 15. júní 1905. Var ráðinn aðstoðarmaður í fjármálaráðuneytinu 1906 og jafnframt málaflutningsmaður við yfirréttinn í Reykjavík. Var settur sýslumaður í Vestmannaeyjum 1910 til 1924. Hann fluttist eftir það til Reykjavíkur og átti þar heima til æviloka. Karl var skipaður árið 1909 í nefnd til þess að rannsaka hag Landsbankans. Síðar var hann settur gæslustjóri Landsbankans 22. nóvember 1909 til bráðabirgða, en beiddist lausnar níu dögum síðar. Varð að nýju aðstoðarmaður í fjármálaráðuneytinu 1924 til 1. febrúar 1952 og starfaði þá aðallega við endurskoðun.

Heimildir

• Eyjar gegnum aldirnar Guðlaugur Gíslason. ISBN 00003556930