Þingvellir

Húsið Þingvellir.

Húsið Þingvellir var byggt af Lyder Højdal á árunum 1905 til 1907. Það stóð í upphafi við Njarðarstíg 1, en var síðar fært neðst í Heimagötu og stóð það þá á móti Útvegsbankahúsinu, þannig að það lá norður að Sveinsstaðastíg.

Húsið var nefnt Vísir þegar þar var samnefnd verslun, en þá stóð húsið á Njarðarstíg og var eingöngu ein hæð. Seinna rak Gísli J. Johnsen Pósthús Vestmannaeyja í þessu húsi , þegar hann var póstmeistari í Eyjum. Fyrsta kaupfélagið í Vestmannaeyjum, kaupfélagið Herjólfur, var með aðsetur að Þingvöllum.

Þingvellir áður en þeir voru fluttir

Einar Sigurðsson keypti Þingvelli árið 1940 og flutti hann húsið að Heimagötu. Þá lét hann steypa hæð undir Þingvelli, og voru skrifstofur Hraðfrystistöðvar Vestmannaeyja þar til ársins 1966, þegar þær voru fluttar í Godthåb. Á neðstu hæðinni voru jafnan verslanir af ýmsum toga.

Ljósmyndavöruverslun Heiðars Marteinssonar, Eyjafótó, var þar síðast fyrir gos.

þegar byrjaði að gjósa bjuggu Hafliði H. Albertsson og Magnús Þórðason í húsinu.

Húsið brann til grunna í Heimaeyjargosinu, og fór svo að lokum undir hraun.

---

Heimildir

• Húsanafnaskrá fyrir Vestmannaeyjar
• Vestmannaeyjar, Byggð og Eldgos.
• Blik 1978.
• Íbúaaskrá 1.des 1972.

Forsíða byggðarinnar undir hrauninu