Ágústa Harðardóttir (kennari)

Ágústa Harðardóttir.

Ágústa Harðardóttir kennari fæddist 25. nóvember 1954 á Helgafellsbraut 18.
Foreldrar hennar voru Hörður Sigurgeirsson ljósmyndari, f. 6. maí 1914, d. 2. júní 1978 og kona hans Guðrún Loftsdóttir frá Eystri-Vilborgarstöðum, kaupkona, f. 19. júní 1920, d. 16. október 2009.

Ágústa varð stúdent í Menntaskólanum í Hamrahlíð 1974, lauk kennaraprófi 1980.
Hún var kennari við Barnaskólann í Eyjum 1974-1975, Gagnfræðaskólann á Húsavík 1980-1983, Laugarnesskólann í Reykjavík frá 1983-1989, í Laugalækjarskóla 1989-2001, þar af orlof 2000-2001, í Réttarholtsskóla 2001-2002, Laugalækjarskóla 2002-2004, aðstoðarmaður á Stofnun Vigdísar Finnbogadóttur 2004-2006, kennari í Menntaskólanum í Kópavogi 2006-2008, í Vogaskóla 2008-2009, í Fjölbrautarskólanum í Ármúla 2009-2022.
Á sumrum stundaði hún áður verzlunarstörf.
Hún eignaðist barn með Jörgen 1975.
Þau Jón Snorri giftu sig, eignuðust eitt barn.

I. Barnsfaðir Ágústu er Jörgen Due Nielsen (danskrar ættar), f. 30. apríl 1945.
Barn þeirra:
1. Kjartan Due Nielsen, verkefnastjóri, f. 3. september 1975. Kona hans Aðalheiður Eggertsdóttir.

II. Maður Ágústu er Jón Snorri Ásgeirsson skjalaþýðandi, dómtúlkur og kennari í Reykjavík, f. í Hveragerði 26. janúar 1937. Foreldrar hans Ásgeir Jónsson vélstjóri og járnsmiður í Kópavogi, f. 29. nóvember 1901 í Klifshaga í Öxarfirði, d. 28. september 1975 og Jóhanna Ingibjörg Sigurðardóttir húsfreyja, f. 27. apríl 1910 á Sóleyjarvöllum í Skeggjastaðahreppi í N-Múlasýslu, d. 11. janúar 1980.
Barn þeirra:
2. Ásgeir Jónsson rafeindavirki, f. 24. marz 1984.

---

Heimildir

• Samantekt: Víglundur Þór Þorsteinsson.
• Íslendingabók.
• Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---