Karl Björnsson (læknir)

Karl Björnsson.

Karl Björnsson læknir fæddist 30. september 1962 í Eyjum.
Foreldrar hans voru Björn Ívar Karlsson læknir, f. 24. apríl 1943, d. 29. júlí 2010, og fyrri kona hans Sigríður Þóranna Sigurjónsdóttir húsfreyja, f. 25. október 1944, d. 13. nóvember 1964.
Stjúpmóðir Karls er síðari kona Björns föður hans Helga Jónsdóttir húsfreyja, hjúkrunarfræðingur, f. 17. nóvember 1947.

Börn Helgu og Björns Ívars:
1. Snorri Björnsson læknir í Keflavík og á Blönduósi, f. 28. desember 1972. Kona hans Ester Ingvarsdóttir.
2. Didda Scheving Björnsdóttir (áður Guðrún Scheving Björnsdóttir) fata- og búningahönnuður, sjúkraliði, áður í Santa Ana í Kaliforníu, síðar í Mount Juliet í Tennessee, f. 16. nóvember 1978. Maður hennar John Paul Aranas Gatchalian frá Filippseyjum.

Karl varð stúdent í Menntaskólanum á Laugarvatni 1982, lauk læknaprófi (varð cand. med.) í HÍ 27. júní 1992, fékk almennt lækningaleyfi 11. ágúst 1993.
Hann vann á námstímanum á Heilsugæslustöðinni og Sjúkrahúsinu í Sykkishómi, á Djúpavogi, í Fjórðunssjúkrahúsinu á Akureyri, handlækningadeild, á Landspítalanum, bæklunardeild, var heilsugæslulæknir í Vík í Mýrdal, kandídat á Borgarspítalanum, lyflækningadeild, á slysa- og bæklunardeild og á skurðdeild.
Karl var heilsugæslulæknir í Eyjum frá ágúst 1993, yfirlæknir þar frá ágúst 1996 og á tveggja ára fresti til 2014, læknir á Suðurnesjum til 2022, síðan á Heilsgæslustöðinni í Urðarhvarfi.
Þau Ásta hófu sambúð 1984, giftu sig 1999, eignuðust tvö börn. Þau bjuggu við Vallargötu 18.
Ásta lést 1999.
Þau Anna giftu sig, eignuðust eitt barn.
Hún lést 2008.
Þau Kolbrún giftu sig, eignuðust eitt barn og Karl varð fósturfaðir barns hennar.

I. Kona Karls, (12. febrúar 1999), var Ásta Garðarsdóttir húsfreyja, f. 12. maí 1965, d. 27. mars 1999.
Börn þeirra:
1. Björn Ívar Karlsson yngri, skákkennari, f. 23. febrúar 1985. Kona hans Guðrún Lilja Guðmundsdóttir.
2. Berlind Karlsdóttir leikskólakennari á Egilsstöðum, f. 27. júlí 1993.

II. Kona Karls var Anna Jónsdóttir hjúkrunarfræðingur, f. 10. maí 1968, d. 25. mars 2008.
Börn þeirra:
3. Elfa Karlsdóttir starfsmaður á leikskóla og í lyfjaverslun, f. 24. júlí 2002.

III. Kona Karls, (20. ágúst 2010), er Kolbrún Tryggvadóttir hjúkrunarfræðingur, f. 25. júní 1976. Foreldrar hennar Tryggvi Geir Haraldsson, f. 12. janúar 1951, og Hrefna Hallvarðsdóttir, f. 2. júní 1952.
Barn þeirra:
4. Ástrós María Karlsdóttir, f. 8. október 2010.
Fóstursonur Karls, sonur Kolbrúnar er
5. Tryggvi Geir Ingvarsson smiður á Akureyri, f. 7. september 2002.

---

Heimildir

• Samantekt: Víglundur Þór Þorsteinsson.
• Íslendingabók.
• Karl.
• Læknar á Íslandi. Gunnlaugur Haraldsson. Þjóðsaga 2000.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---