Auður Eiríksdóttir

Auður Eiríksdóttir fæddist að Borgum í Þistilfirði í Norður-Þingeyjarsýslu 20. sept. 1902 og lézt í Reykjavík 8. júlí 1979.
Faðir hennar var Eiríkur bóndi og smiður í Brekknakoti, Borgum, Kollavík, síðar á Höskuldarnesi, en síðast á Grasgeira, f. 14. (k.bók 11.) júlí 1871, d. 9. ágúst 1921, Kristjánsson bónda á Bægisstöðum í Þistilfirði Eiríkssonar og konu Kristjáns, Aðalbjargar Bjarnadóttur. Kristján afi Auðar tók á móti börnum. Móðir Auðar var Þorbjörg, f. 11. sept. 1870, d. 14. apríl 1949, Guðmundsdóttir bónda í Klifhaga í Axarfirði Þorvaldssonar og konu Guðmundar, Kristínar Bjarnadóttur.
Auður lauk ljósmæðraprófi við Ljósmæðraskóla Íslands 25. júní 1925. Hún stundaði framhaldsnám við Fæðingarstofnun Ríkisspítalans í Kaupmannahöfn 5. ágúst 1931-14. maí 1932. Sumarið 1934 var hún á námskeiði um meðferð og eftirlit ungbarna á Klinik Dr. J. P. Jensen í K.höfn.
Hún var ljósmóðir í Raufarhafnarumdæmi 16. júlí 1925-1930; á Landspítalanum 30. maí 1932-1. nóv. 1933; í Eyraumdæmi í Patreksfirði 1. nóv. 1933-maí 1934. Þá varð hún ljósmóðir í Eyjum 1. nóv. 1934-30. okt. 1945. Frá 1946 vann hún við afleysingar í Reykjavík og var starfandi ljósmóðir þar.
Ritverk: „Þorbjörg Guðmundsdóttir frá Klifshaga“ í greinasafnið Móðir mín húsfreyjan, Reykjavík 1977, bls. 95-114.
Maki (24. okt. 1936): Karl húsasmíðameistari í Eyjum og síðar í Reykjavík, f. 3. maí 1911 í Haga í Aðaldælahreppi í S-Þingeyjarsýslu, d. 27. des. 1994, Jakobsson bónda í Haga, Þorgrímssonar og maka Jakobs, Rannveigar Jónasdóttur.
Börn þeirra Karls: Þráinn byggingaverkfræðingur í Reykjavík, f. í Eyjum 9. júní 1938, kvæntur Birnu Magnúsdóttur handavinnukennara, f. 16. des. 1935 (´96); Örlygur þjóðfélagsfræðingur og framhaldsskólakennari, f. 2. maí 1945 í Eyjum kvæntur Steingerði Jónsdóttur skólaritara, f. 10. apríl 1945 (´88)

Heimildir:

• Ljósmæður á Íslandi.
• Verkfræðingatal.
• Kennaratal.
• Garður.is.