Jens Willy Ísleifsson

Jens Willy Ísleifsson.

Jens Willy Ísleifsson frá Húsavík við Urðaveg 28 vinnuvélastjóri fæddist 25. nóvember 1959 og lést 26. ágúst 2006 af slysförum.
Foreldrar hans voru Ísleifur Jónsson frá Húsavík, málarameistari, f. 25. apríl 1928, d. 21. ágúst 2008, og kona hans Elísabeth Vilhjálmsdóttir húsfreyja, fædd Graubner í Þýskalandi 26. febrúar 1939.

Börn Elísabethar og Ísleifs:
1. Jens Willy Ísleifsson bjó í Reykjavík, starfsmaður í Áburðarverksmiðjunni og síðar hjá Íslenska gámafélaginu, f. 25. nóvember 1959, d. 26. ágúst 2006 af slysförum, ókv. og barnlaus.
2. Drengur, f. 30. mars 1961, d. 1. apríl 1961.
3. Andvana drengur, f. 28. maí 1962.
4. Vilborg Liesbeth Ísleifsdóttir , f. 29. febrúar 1964 á Landspítalanum.
5. Andvana stúlka, f. 1970.

Jens var með foreldrum sínum, bjó með þeim í Húsavík, á Faxastíg 45 1964, á Eiðum við Kirkjuveg 9c við Gos. Hann flutti með þeim til Reykjavíkur við Gosið 1973.
Hann nam við Gagnfræðaskólann og Laugalækjarskólann í Reykjavík, tók vinnuvélastjórapróf, síðar meira próf á bifreiðar.
Jens vann hjá kjötiðnaðarstöð SÍS við Kirkjusand og síðar nokkur ár hjá Hampiðjunni.
Hann hóf störf hjá Áburðarverksmiðjunni í Gufunesi og vann þar uns henni var lokað. Þá vann hann að lokum hjá Íslenska gámafélaginu.
Hann var virkur félagi í Lionshreyfingunni.
Jens var ókvæntur og barnlaus.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið 4. september 2006. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---