Halldóra Jónsdóttir (Hásteinsvegi 50)

Halldóra Jónína Jónsdóttir húsfreyja á Hásteinsvegi 50 fæddist 2. nóvember 1915 í Leyningi á Siglufirði og lést 14. desember 1997 í Reykjavík.
Foreldrar hennar voru Jón Kristinn Jónsson frá Stórholti í Fljótum, bóndi á Bakka í Holtshreppi í Skagafirði, í Héðinsfirði og Leyningi í Siglufirði, síðar verkamaður á Siglufirði, f. 27. apríl 1871 að Lundi í Fljótum, Skag., d. 30. mars 1950 á Siglufirði, og kona hans Guðrún Erlendsdóttir frá Ámá í Héðinsfirði, húsfreyja, f. 19. maí 1877, d. 16. janúar 1956.

Halldóra var með foreldrum sínum í æsku, ólst upp á Siglufirði.
Hún lauk grunnskólaprófi á Siglufirði, fékk tækifæri til náms á Héraðsskólanum á Laugarvatni einn vetur. Hún fluttist til Eyja og giftist Jóni 1940. Þau bjuggu á Stað í fyrstu, eignuðust Hrefnu þar 1941. Þau voru á Hilmisgötu 5, Árdal hjá Sigríði systur Jóns og Óskari Þorsteinssyni 1945. Þau bjuggu síðast á Hásteinsvegi 50. Þar fæddist Guðrún 1952.
Eftir lát Jóns fluttist Halldóra til Reykjavíkur. Þar vann hún í Efnalauginni Björg í 27 ár.
Jón dauðhrapaði úr Klifinu 1962. Halldóra fluttist til Reykjavíkur, dvaldi síðast í hjúkrunarheimilinu Skjóli. Hún lést 1997.

I. Maður Halldóru, (16. nóvember 1940), var Jón Jónsson vélstjóri, verkamaður, f. 20. júlí 1909 í Steig í Mýrdal, d. 30. september 1962.
Börn þeirra:
1. Hrefna Jónsdóttir húsfreyja, listaverkasali í Bandaríkjunum, f. 9. maí 1941, d. 9. janúar 2018.
2. Guðrún Jónsdóttir húsfreyja, viðskiptafræðingur í Reykjavík, f. 3. júlí 1953 á Hásteinsvegi 50.

---

Heimildir

• Samantekt: Víglundur Þór Þorsteinsson.
• Garður.is.
• Íslendingabók.is.
• Manntöl.
• Morgunblaðið 21. desember 1997.
• Prestþjónustubækur.
• Skagfirskar æviskrár – Tímabilið 1890-1910. Margir höfundar. Ritstjóri: Eiríkur Kristinsson. Sögufélag Skagfirðinga, Sauðárkróki 1964-1972.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---