Sigurbjörg Sigurðardóttir (Brekkuhúsi)

Sjá aðgreiningarsíðuna fyrir aðrar sem hafa borið nafnið „Sigurbjörg Sigurðardóttir“

---

Sigurbjörg og Sigurður með Sigurjón.

Sigurbjörg Sigurðardóttir húsfreyja í Brekkuhúsi, fæddist 20. janúar 1863, lést 3. júní 1956.
Faðir hennar var Sigurður bóndi að Efra-Hvoli í Hvolhreppi, f. 18. apríl 1841 í Litlu-Hildisey í A-Landeyjum, d. 25. febrúar 1892, Gunnlaugsson bónda í Litlu-Hildisey, f. 28. ágúst 1804, d. 21. nóvember 1884, Einarssonar bónda í Litlu-Hildisey, f. um 1780 á Hólmum í A-Landeyjum, d. 25. september 1846 í Eystri-Hól, og konu Einars (1803), Oddnýjar húsfreyju, f. 1769, d. 27. febrúar 1850, Guðmundsdóttur.
Móðir Sigurðar Gunnlaugssonar og kona Gunnlaugs var Guðríður húsfreyja, f. 1808 í Voðmúlastaðarsókn, Magnúsdóttir bónda Vatnahjáleigu og Oddakoti í A-Landeyjum, f. 1759 í Vatnahjáleigu, d. 28. maí 1819, Jónssonar, og konu Magnúsar (1793), Sigríðar húsfreyju, f. 1768 á Lágafelli í A-Landeyjum, d. 8. janúar 1847 í V-Landeyjum, Jónsdóttur.
Móðir Sigurbjargar og kona Sigurðar Gunnlaugssonar var Ingibjörg húsfreyja, f. 25. október 1840, d. 25. september 1930, Árnadóttir bónda á Skækli og Rimakoti í Landeyjum, f. 5. ágúst 1803 á Skækli, d. 12. janúar 1854 í Rimakoti, Pálssonar bónda á Skækli, Skíðbakka og í Kúfhól í A-Landeyjum, Jónssonar, og konu Páls Jónssonar, Guðrúnar húsfreyju, f. 1777 á Hólmum, d. 13. janúar 1852 í Rimakoti, Árnadóttur.
Móðir Ingibjargar Árnadóttur og kona Árna Pálssonar var Ingveldur húsfreyja, f. 29. september 1806 á Núpi undir Eyjafjöllum, d. 6. ágúst 1843 í Rimakoti, Ormsdóttir bónda í Butru í A-Landeyjum, á Núpi og í Gerðakoti undir Eyjafjöllum, f. 10. júní 1762 í Butru, d. 30. mars 1820 í Gerðakoti, Ormssonar, og konu Orms, Bjargar húsfreyju, f. 1771 í Dúðu í Fljótshlíð, d. 16. febrúar 1840 á Búðarhóli í A-Landeyjum, Benediktsdóttur.

Móðursystkini Sigurbjargar voru mörg í Eyjum. Sjá þau á síðu Bjargar Árnadóttur á Vilborgarstöðum.

Sigurbjörg var hjá foreldrum sínum í Litlu-Hildisey 1870, en 1890 eru þau Sveinbjörn bæði vinnuhjú í Hallgeirsey. Þau fluttust til Eyja 1891. 1901 bjuggu þau með fjölskyldu á Fögruvöllum, en 1910 í Brekkuhúsi.
Maður Sigurbjargar (1891) var Sigurður Sveinbjörnsson bóndi í Brekkuhúsi, fæddur 20. júní 1865 og lést 11. júní 1933.

Börn Sigurðar og Sigurbjargar:
1. Sigurjón, fæddur 6. mars 1890 í Krosssókn í A-Landeyjum, d. 8. júní 1959.
2. Guðbjörg Aðalheiður, fædd 15. febrúar 1896, dáin 30. janúar 1958.
3. Þau Sigurbjörg ólu upp nokkur fósturbörn. Finnur á Oddgeirshólum og Björgvin Hafsteinn Pálsson voru aldir upp hjá þeim.

Sjá einnig: Blik 1961, Hjónin í Brekkhúsi.

---

Heimildir

• Samantekt: Víglundur Þór Þorsteinsson.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Íslendingabók.is

---

Þessi grein tilheyrir Æviskrám Eyjafólks eftir Víglund Þór Þorsteinsson.

---