„Ritverk Árna Árnasonar/Leikir unglinga í Eyjum, fyrri hluti“: Munur á milli breytinga

Auk þess voru margskonar aðrir leikir iðkaðir af unglingum inni á Póstflötum, leikir, sem stefndu að íþróttum og stæltu líkamann. Þar voru t.d. iðkuð hlaup, víðavangshlaup og kapphlaup, langstökk milli grasrofanna, sem þarna var mikið af. (Voru síðustu leifar hins mikla graslendis, er náði frá [[Há|Hánni]] austanverðri, norður að [[Almenningsréttin|Almenningsréttinni]], upp að [[Hlíðarbrekkur|Hlíðarbrekkum]] og fram svæði það, sem nú er [[Innri Höfnin]]). Þá voru og Höfrungahlaup mikið iðkuð. – Sumir þátttakendur stóðu þá hálfbognir, aðrir nær uppréttir og var nokkuð bil milli þeirra. Hinir tóku svo hratt tilhlaup og hlupu yfir þá, sem stóðu, með því að styðja höndunum á bak þeim eða axlir. Margir voru vel æfðir í þessu og þurftu stutt tilhlaup.