„Blik 1960/Landakirkja“: Munur á milli breytinga

<br>

Á undanförnum árum hafa miklar endurbætur og breytingar átt sér stað á Landakirkju í Vestmannaeyjum bæði utan veggja og innan. Vissulega hafa Eyjabúar sýnt það í verki, að þeir kunna að meta þessa veglegu kirkju, sem er ein elzta kirkja landsins og glæsilegt guðshús á íslenzkan mælikvarða. Á næstliðnum árum hafa eikarbekkir verið settir í kirkjuna, keypt í hana stórt og fullkomið pípuorgel, „haustmannaloftið“ svo kallaða tekið burtu og ýmsar aðrar breytingar gerðar til bóta á lofti kirkjunnar. Mesta átakið hefur þó orðið það að byggja við kirkjuna veglegan og voldugan stöpul, sem gjörbreytir útliti hennar, setur hana voldugleikablæ og tignarsvip. Eru þá ekki gleymd þau þægindi öll við notkun kirkjunnar, sem leiðir af viðbygging þessari og stækkun bæði fyrir sóknarbörnin og hina ráðandi menn guðshússins.  <br>

Í byrjun októbermánaðar 1959 komu kirkjulegir gestir til Vestmannaeyja. Sjálfur biskupinn  yfir Íslandi,  herra Sigurbjörn Einarsson, prófasturinn í Kjalarnesþingi, séra Garðar Þorsteinsson, og sóknarprestur í Hallgrímssókn í Reykjavík, séra [[Sigurjón Þorvaldur Árnason|Sigurjón Árnason]], heimsóttu Eyjarnar til þess að taka þátt í vígslu hins nýbyggða stöpuls Landakirkju. <br>

Hinn 4. október fór vígslan fram. Hún hófst kl. 2 um daginn með því að biskup, prófastur, sóknarprestar og sóknarnefnd gengu í skrúðgöngu frá barnaskólahúsinu til kirkju með ýmsa kirkjumuni. Fremstir fóru þeir [[Páll Eyjólfsson]], sóknarnefndarformaður, og [[Þórður Gíslason]], meðhjálpari, og báru tákn hins trúarlega ljóss í höndum sér, kerti kirkjunnar. <br>

Að kvöldi vígsludagsins hafði sóknarnefndin boð inni í húsi K.F.U.M. og K. við Vestmannabraut fyrir marga bæjarbúa. Þar voru margar ræður fluttar og margar heillaóskir fram bornar Landakirkju og söfnuði til handa og blessunar. <br>

Hér birtir Blik að þessu sinni nokkra mola úr ræðu sóknarnefndarformannsins, Páls Eyjólfssonar, þar sem m.a. eru teknar úr reikningum athyglisvarðar tölur varðandi framlög Eyjamanna til framkvæmda við kirkjuna o.fl. <br>

„... Þegar sóknarnefndin undirskrifaði samning um byggingu orgelsins við firmað