Jón Ögmundsson (Kirkjubæ)

Jón Ögmundsson eldri bóndi á Kirkjubæ fæddist 7. janúar 1806 á Ytri-Hól í V-Landeyjum og lést 6. maí 1840.
Foreldrar hans voru Ögmundur Jónsson bóndi víða í Landeyjum, en síðast á Skækli (nú Guðnabakki) í A-Landeyjum, f. 1776 á Lágafelli, d. 24. mars 1844 á Skækli, og fyrsta kona Ögmundar, Sigríður Jónsdóttir húsfreyja, f. 1775 Hallgeirsey í A-Landeyjum, d. 17. desember 1819.
Jón var með foreldrum sínum á Skíðbakkahjáleigu 1816.
Þau Helga fluttust til Eyja 1831 „til að giftast“ og settust að á Kirkjubæ.
Þau voru búandi á Kirkjubæ 1832-1839.
Þau misstu öll börn sín á fyrstu dögum lífsins úr „Barnaveiki“, sem vafalítið er ginklofi.
Jón var ekkill við andlát 1840.

Kona Jóns, (1831), var Helga Jónsdóttir húsfreyja, f. 25. febrúar 1803, d. 6. apríl 1839 „ af kæfi....krampa“.
Börn þeirra:
1. Sigurður Jónsson, f. 13 . júní 1832, d. 19. júní 1832 úr „Barnaveiki“, (mun vera ginklofi).
2. Sigríður Jónsdóttir, f. 27. október 1833, d. 2. nóvember 1833 úr „Barnaveiki“, (mun vera ginklofi).
3. Jón Jónsson, f. 28. desember 1834, d. 3. janúar 1835 úr „Barnaveiki“, (mun vera ginklofi).
4. Jónas Jónsson, f. 27. nóvember 1835, d. 2. desember 1835 úr „Barnaveiki“, (mun vera ginklofi).

---

Heimildir

• Samantekt: Víglundur Þór Þorsteinsson.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Prestþjónustubækur.