Jón Guðmundsson (Norðurgarði)

Jón Guðmundsson vinnumaður frá Norðurgarði, húsmaður í Hólshúsi, fæddist 18. júlí 1830 og lést 4. ágúst 1858.
Foreldrar hennar voru Guðmundur Eyjólfsson bóndi í Norðurgarði, f. 17. október 1790, d. 18. ágúst 1846, og kona hans Guðrún Jónsdóttir húsfreyja, f. 1798, d. 19. september 1873.

Systkinin í Norðurgarði, börn Guðmundar og Guðrúnar, voru:
1. Guðmundur Guðmundsson, f. 23. júní 1822, d. 29. júní 1822 úr „sinadráttarsjúkdómi“, þ. e. stífkrampi, ginklofi.
2. Vilborg Guðmundsdóttir húsfreyja í Norðurgarði, síðar í Dölum, f. 1823, d. 6. maí 1903.
3. Sveinn Guðmundsson, f. 4. apríl 1826, d. 7. apríl 1826 úr ginklofa.
4. Eyjólfur Guðmundsson, f. 24. ágúst 1827, d. 31. ágúst 1827 úr ginklofa.
5. Jórunn Guðmundsdóttir húsfreyja í Norðurgarði, f. 4. desember 1828, d. 14. febrúar 1879.
6. Jón Guðmundsson vinnumaður, húsmaður í Hólshúsi, f. 18. júlí 1830, d. 4. ágúst 1858.
7. Ingvar Guðmundsson, f. 3. júlí 1832, d. 11. júlí 1832 úr ginklofa.
8. Ingvar Guðmundsson, f. 8. september 1834, d. 22. september 1834 úr ginklofa.
9. Margrét Guðmundsdóttir, f. 7. apríl 1836, d. 16. apríl 1836 úr ginklofa.
10. Guðmundur Guðmundsson, f. 8. október 1840 í Norðurgarði, d. 15. október 1840 úr ginklofa.

Jón var með fjölskyldu sinni í Norðurgarði 1835, 1840, 1845, vinnumaður hjá Jórunni systur sinni 1850 og 1855.
Hann var húsmaður í Hólshúsi 1858 og þar lést hann úr „hastarlegri brjóstveiki“ 1858, ógiftur.

I. Barnsmóðir hans var Valgerður Magnúsdóttir, þá „honum áhangandi“, f. 1829, d. 20. september 1885.
Barn þeirra var
1. Guðmundur Jónsson, f. 5. október 1857, d. 12. október 1857 úr ginklofa.

---

Heimildir

• Samantekt: Víglundur Þór Þorsteinsson.
• Manntöl.
• Prestþjónustubækur.