„Finnbogi Halldórsson (skipstjóri)“: Munur á milli breytinga
Ekkert breytingarágrip |
m (Viglundur færði Finnbogi Halldórsson á Finnbogi Halldórsson (skipstjóri)) |
(Enginn munur)
| |
Núverandi breyting frá og með 3. nóvember 2020 kl. 16:00
Finnbogi Halldórsson fæddist í Ólafsfirði 3. apríl 1900 og lést 27. mars 1954. Foreldrar hans voru Halldór Jónsson og Margrét Jónsdóttir. Finnbogi fluttist ungur með foreldrum sínum til Siglufjarðar, byrjaði þar ungur sjómennsku á þorskveiðum og síldarskipum.
Finnbogi kom til Vestmannaeyja árið 1920 var vélamaður á ýmsum bátum fram til 1928 er hann hóf formennsku á Stakkárfossi VE-245. Eftir það er Finnbogi með eftirtalda báta: Gunnar Hámundarson, Elliðaey, og Lítillát allt til 1936, að hann fór alfarið úr Eyjum til Reykjavíkur og stundaði þaðan sjómennsku í fjölda ára og jafnhliða var hann formaður fyrir norðurlandi með síldarskip í mörg sumur. Finnbogi var kappsamur formaður og aflamaður í besta lagi.
Finnbogi var kvæntur Jónu Franzdóttur og áttu þau fimm börn; Hólmar, Karl, Björk, Víði og Lindu. Þau áttu fyrst heima á Siglufirði, síðan í Vestmannaeyjum og síðustu árin í Reykjavík.
Myndir
Heimildir
- Sjómannablaðið Víkingur. Farmanna- og Fiskimannasamband Íslands.
- Þjóðviljinn, 6. apríl 1954.