Blik 1958/Lærdóms ljúfa stofnun, kvæði

Enisyfirlit 1958

Séra HALLDÓR KOLBEINS

Lærdóms ljúfa stofnun, kvæði

Lærdóms ljúfa stofnun,

ljómi menningar,

veki andans orku,

aflstöð þekkingar.

Lát þín fræði fögur

fyrir æskuna

verða lind, sem lætur

ljóma gæzkuna.

Réttlærð mennt er máttur

mikill farsældar,

djarfur andardráttur

dirfsku og manndáðar.

Góðir gagnfræðingar,

gangið rétta braut.

Heppnir Heimaeyingar,

hljótið lán í skaut.

Nesti og nýju skórnir

nægja ævileið

þeim, sem alltaf eflir

einhvern lærdómsmeið.

Hvar sem leiðir liggja

er lán að kunna rétt,

vera sæmd og sómi

sína fyrir stétt.

Verið heil og hljótið

happið gæfunnar.

Hvort með blæs eða móti

minnist reglunnar:

Vonir veita sigur

og vernda sérhvern dag.

Dyggð og ötul iðja

efla sérhvern hag.

Ofanleiti í Vestm.eyjum 9. febr. 1958.

Halldór Kolbeins.