Blik 1974/Jónsmessunótt, ljóð

Jónsmessunótt

Hér á lyngbrekkan laufskógar-rjóður,

sem er laugað í Jónsmessudögg.

Sjá, hve blóminn mót lífinu brosir,

finndu bjarkanna ilmandi rögg

búna töfrum frá sumri og sólu,

saman tengja hér köllun og mál:

Gróandans gleði og þroska

til að gefast af lífi og sál.

Hér er kliðandi sólfugla sveimur.

Heyrðu sönginn um Skaparans mátt.

Hvílík lifandi tilbeiðsla og tjáning,

hér á tilhugalífið sinn þátt.

Innst í fylgsnum í hugar míns heimum

heyri ég skyldleikans ómþrungna nið.

Taki því tunga mín undir

í tengslum við Almættið.

Nú skín miðnætursólin á sumri,

og sannar róandans eilífa mátt.

Ég get því óruggur beðið hér bænar

um bróðurkærleikans þjónustu og sátt.

Þessi nótt veitir andanum orku,

eggjar lögeggjan sóknar þann dug,

sem ætlar að byggja brýrnar

til bræðra með framandi hug.