Jóhann Þ. Jósefsson

Jóhann Þ. Jósefsson, Kaupmaður. Alþingismaður Vestmannaeyja 1923-1959. Jóhann Þorkell var fæddur í Vestmannaeyjum 17. júní 1886. Dáinn í Hamborg 15. maí 1961. Foreldrar Jósef (fæddur 6. maí 1848, dáinn 12. janúar 1887) skipstjóri þar, kjörsonur Valda bónda í Gerðarkoti undir Eyjafjöllum Ketilssonar og konu hans Guðrúnar (fædd 10. janúar 1844, dáin 14 október 1919) Þorkelsdóttir sjómanns í Vestmannaeyjum Einarssonar. K. 1 (15 október 1915) Svanhvít (fædd 3. nóvember 1893, dáin 13. ágúst 1916) Ólafsdóttir verslunarstjóra í Borgarnesi, síðar í Vestmannaeyjum, Arinbjarnarsonar og konu hans Sigríðar Eyþórsdóttur. — K. 2. (22. maí 1920) Magnea Dagmar (fædd 10. október 1901) Þórðardóttir Helga sjómanns í Reykjavík Þórðarsonar og konu hans Veroniku Einarsdóttur. — Rak versln og útgerð í Vestmannaeyjum í félagið við Gunnar Ólafsson kaupmann og Alþingismann (og fyrst í stað einnig Pétur Thorsteinsson frá Bíldudal) 1909 til 1955. Búsettur í Reykjavík frá 1935 og hafði þar umboðsverslum um skeið. Skipaður 4. febrúar 1947 fjármála- og atvinnumálaráðherra. Lausn 2. nóvember 1949 en gegndi störfum til 6. desember sama ár. Skipaður sama dag atvinnumálaráðherra, lausn 2. mars 1950, en gegndi störfum til 14. mars sama ár. Framkvæmdarstjóri Samlags skreiðarframleiðenda frá stofnun þess 1953 til ársloka 1960. Stofnaði með öðrum Lifrarsamlag Vestmannaeyja 1933 og Björgunarfélag Vestmannaeyja og átti sæti í stjórn þess frá byrjun. Þýskur vararæðismaður frá 1919. Fulltrúi Ríkisstjórnarinnar við verslunarsamninga í Þýskalandi 1931 til 1935 og 1938 og 1939. Í stjórn Sölusambands íslenskra fiskframleiðenda frá stofnun þess. Í Síldarútvegsnefnd um skeið (kosinn af útgerðarmönnum 1938). Skipaður formaður nýbyggingarráðs 1944-1947. Í milliþinganefnd í sjávarútvegsmálum 1931 til 1932. Í Landsbankanefnd 1938 til 1944. Fultrúi á þingi Alþjóðaþingsambandsins í Dublin 1950. Fulltrúi á þingi Evrópuráðs 1950 til ævil,oka. Fulltrúi á Allsherjaþingi Sameinuðu þjóðanna 1954 og 1955.