Davíð Guðmundsson (Tölvun)

Davíð Guðmundsson rafmagnsverkfræðingur, framkvæmdastjóri fæddist 25. mars 1963 á Siglufirði. Hann fluttist til Eyja 4 mánaða gamall með móður sinni og Þórleifi systur sinni.
Foreldrar hans Unnur Helga Alexandersdóttir matselja, f. 23. desember 1942 á Siglufirði, og Guðmundur Davíðsson athafnamaður, f. 9. október 1942 á Siglufirði, d. 25. mars 2024.
Davíð er rafmagnsverkfræðingur, með masterspróf (M.Sc.E.E.) frá Álaborgarháskóla 1988, rekur fyrirtækið Tölvun stofnað 1993, tölvuverslun og verkstæði, auk hýsingar- og internetþjónustu og ljósleiðarakerfis. Tölvun er elsta starfandi tölvufyrirtæki í Vestmannaeyjum og veitir fyrirtækjum og einstaklingum tækniþjónustu.

Þau Aðalheiður giftu sig, eignuðust fjögur börn. Þau bjuggu við Hrauntún 20. Þau skildu.
Þau Soffía hófu sambúð. Þau eiga ekki börn saman, en hún á tvö börn frá fyrra sambandi. Þau búa í Sóleyjarhlíð við Hásteinsveg 45.

I. Fyrrum kona Davíðs er Aðalheiður Jensdóttir, húsfreyja, þroskaþjálfi, f. 20. nóvember 1964.
Börn þeirra:
1. Guðmundur Davíðsson, f. 9. október 1987.
2. Hjörleifur Davíðsson, f. 22. maí 1990.
3. Nanna Berglind Davíðsdóttir, f. 22. mars 1994.
4. Guðjón Kristinn Davíðsson, f. 17. ágúst 2007.

II. Sambúðarkona Davíðs er Soffía Valdimarsdóttir húsfreyja, f. 14. júlí 1965.

---

Heimildir

• Samantekt: Víglundur Þór Þorsteinsson.
• Davíð.
• Heimaslóð.
• Íslendingabók.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---