Jón Örn Bogason (Grímsstöðum)

Jón Örn Bogason.

Jón Örn Bogason loftskeytamaður fæddist 7. apríl 1933 í Ráðagerði og lést 24. ágúst 2024.
Foreldrar hans voru Bogi Ólafsson, síðar skipstjóri, f. 2. nóvember 1910 á Hofsstöðum í Álftaneshreppi í Mýrasýslu, d. 1. janúar 2003, og kona hans Sigurbjörg Sigurjónsdóttir frá Þingeyri, húsfreyja í Reykjavík, f. 27. desember 1910, d. 24. júní 1971.

Barn Sigurbjargar og Boga:
1. Jón Örn Bogason loftskeytamaður, f. 7. apríl 1933 í Ráðagerði, d. 24. ágúst 2024. Kona hans var Hólmfríður Jensdóttir.
Fósturbörn Sigurbjargar og Boga voru:
2. Guðrún Kristín Antonsdóttir húsfreyja, kennari, f. 27. okt. 1945, dóttir Antons Jónssonar og Aðalheiðar Sigurjónsdóttur, systur Sigurbjargar.
3. Sigurbjörg Auður Jónsdóttir húsfreyja, f. 3. okt. 1953, dóttir Jóns Arnar sonar þeirra og Halldóru Mikkalínu Helgadóttur.

Jón Örn var með móður sinni í Ráðagerði og á Grímsstöðum 1933, á Auðsstöðum 1934.
Hann fluttist með foreldrum sínum til Reykjavíkur 1935 og ólst þar upp. Þau bjuggu víða fyrstu árin, við Stýrimannastíg, Bræðraborgarstíg, Hofsvallagötu, á Víðimel, í Höfðaborg, í Miðtúni. Jón Örn býr nú í Klappakór 1e í Kópavogi.
Jón Örn lauk gagnfræðaprófi frá Gagnfræðaskóla Austurbæjar og Loftskeytaskólanum 1955.
Hann var loftskeytamaður hjá Jöklum h.f., á m/s Kötlu í 9 ár, hjá Eimskip í 15 ár, var loftskeytamaður á varðskipi í síðara þorskastríðinu við Breta 1976. Þá var hann á togaranum Engey 1977-1986 og hjá Eimskipum 1986-1988. Að síðustu vann hann hjá Ritsímanum til starfsloka.
Jón Örn eignaðist Sigurbjörgu Auði með Halldóru 1953. Hún var fóstruð hjá afa sínum og ömmu, Boga og Sigurbjörgu.
Þau Hólmfríður giftu sig 1955, eignuðust Boga 1958.
Hólmfríður lést 2000 og Jón Örn 2024.

I. Barnsmóðir Jóns Arnar var Halldóra Mikkalína Helgadóttir, f. 25. maí 1930, d. 27. febrúar 2019. Foreldrar hennar voru Ásbjörn Helgi Árnason bóndi í Kollsvík í Breiðavíkurhreppi, Barð., f. 13. apríl 1889, d. 25. ágúst 1965 og kona hans Sigrún Össurardóttir húsfreyja, f. 6. maí 1898, d. 30. apríl 1977.
Barn þeirra:
1. Sigurbjörg Auður Jónsdóttir húsfreyja, leikskólaliði, f. 3. október 1953. Maður hennar er Marteinn Svanberg Karlsson.

II. Kona Jóns Arnar, (215. desember 1955), var Hólmfríður Jensdóttir úr Reykjavík, húsfreyja, f. 1. september 1934, d. 11. janúar 2000. Foreldrar hennar voru Jens Pétur Thomsen Stefánsson stýrimaður í Reykjavík, f. 13. janúar 1897, d. 25. mars 1982, og kona hans Guðmundína Jónsdóttir húsfreyja, f. 1. janúar 1897, d. 20. ágúst 1974.
Barn þeirra:
2. Bogi Jónsson bæklunarlæknir, dr. med., nú í Noregi, f. 4. janúar 1958. Kona hans er Laufey Oddsdóttir.

---

Heimildir

• Samantekt: Víglundur Þór Þorsteinsson.
• Íslendingabók.is.
• Jón Örn.
• Læknatal.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---