Óskar Lárus Steinsson (kennari)

Óskar Lárus Steinsson.

Óskar Lárus Steinsson kennari, gjaldkeri fæddist 21. mars 1903 á Sólheimum við Njarðarstíg 15 og lést 12. apríl 1954.
Foreldrar hans voru Steinn Sigurðsson skólastjóri, f. 24. apríl 1872 í Fagurhóli í A.-Landeyjum, d. 18. ágúst 1940, og kona hans Agatha Þórðardóttir frá Heggsstöðum í Andakíl í Borg., húsfreyja, f. 27. nóvember 1862, d. 8. september 1953.

Lárus var með foreldrum sínum, á Sólheimum, flutti með þeim til Lands 1914.
Hann nam í Flensborgarskóla 1916-1919, lauk verslunarskólaprófi 1922, nam í Municipal Technical College í Hull 1923-1924, sótti námskeið, Holiday Gourse for Foreigners í London, sumarið 1925, lauk kennaraprófi 1927. Hann sótti námskeið í Statens Slöjdlærerskole í Danmörku 1927 og 1931.
Lárus var kennari í barnaskóla í Hafnarfirði 1927-dd., vann jafnframt skrifstofu- og gjaldkerastörf hjá Trésmiðjunni Dverg í Hafnarfirði.
Þau Kristín giftu sig 1927, eignuðust þrjú börn.

I. Kona Óskars, (10. desember 1927), var Kristín Kristjánsdóttir frá Minna-Mosfelli í Mosfellssveit, f. 10. apríl 1904, d. 6. júní 1999. Foreldrar hennar voru Kristján Jónsson bóndi, f. 8. ágúst 1866, d. 9. nóvember 1949, og kona hans María Einarsdóttir húsfreyja, f. 13. ágúst 1872, d. 13. júní 1964.
Börn þeirra:
1. Trausti Ó. Lárusson húsgagnasmíðameistari, framkvæmdastjóri, f. 26. maí 1929, d. 12. apríl 2021.
2. Steinunn Ó. Lárusdóttir Steinsen lyfjafræðingur, f. 18. maí 1935, d. 17. júlí 2017. Maður hennar Halldór Steinsen.
3. Svala Pitt Lárusdóttir, f. 21. janúar 1945.

---

Heimildir

• Samantekt: Víglundur Þór Þorsteinsson.
• Íslendingabók.
• Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---