Jakob Albertsson (Nýlendu)

Jakob Albertsson.

Jakob Albertsson frá Nýlendu við Vestmannabraut 42, bifvélavirki, rafvirki fæddist þar 4. maí 1931 og lést 8. desember 2013 á Landspítalanum.
Foreldrar hans voru Sigríður Jakobsdóttir saumakona, gestur á Nýlendu, f. 7. júní 1893, d. 25. janúar 1989, og barnsfaðir hennar Valentínus Albert Jónsson bóndi í Skaftholti í Gnúpverjahreppi, Árn., f. 4. nóvemnber 1904, d. 14. maí 1988.

Móðursystir Jakobs var
1. Jenný Jakobsdóttir húsfreyja á Nýlendu, f. 3. maí 1891, d. 12. desember 1970.

Jakob var með móður sinni á Nýlendu, flutti með henni til Reykjavíkur og var með henni og móðurforeldrum sínum á Lindargötu.
Hann lærði bifvélavirkjun og síðar rafvirkjun í Iðnskólanum í Reykjavík.
Jakob vann hjá Vegagerð Ríkisins og frá 1973 hjá Flugmálastjórn Íslands.
Hann var einn af stofnendum Skíðaskálans í Kerlingarfjöllum og byggði með nokkrum félögum sínum fjallaskálann Miðdal í Tindfjöllum.
Jakob var meðal þeirra, sem stofnuðu Flugbjörgunarsveitina í Reykjavík í kjölfar björgunar áhafnar flugvélarinnar Geysis á Vatnajökli.
Þau Elín giftu sig 1959, eignuðust fjögur börn.
Jakob lést 2012.

I. Kona Jakobs, (1959), er Elín Guðmundsdóttir húsfreyja, f. 20. júlí 1937. Foreldrar hennar voru Guðmundur Guðjónsson skipstjóri, f. 21. júní 1891, d. 8. desember 1973, og Elín Hafliðadóttir húsfreyja, f. 22. mars 1898, d. 28. desember 1949.
Börn þeirra:
1. Guðmundur Jakobsson stoðtækjasmiður, f. 4. febrúar 1959. Kona hans Lilja Guðmundsdóttir.
2. Albert Jakobsson tölvufræðingur, f. 1. mars 1962. Kona hans Sigurborg Jóhannsdóttir.
3. Sigríður Jakobsdóttir lyfjatæknir, f. 21. október 1963. Sambúðarmaður hennar Einar Marinó Jóhannsson.
4. Stefán Jökull Jakobsson húsasmiður, f. 21. júlí 1971. Kona hans Linda Björg Helgadóttir.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið17. desember 2013. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---