Gísli Vilhjálmsson (Arnarnesi)

Gísli Vilhjálmsson frá Ölvaldsstöðum í Mýrasýslu, útgerðarmaður, eftirlitsmaður, frumkvöðull, framkvæmdastjóri fæddist þar 26. janúar 1899 og lést 10. maí 1975.
Foreldrar hans voru Vilhjálmur Jónsson frá Vatnshömrum í Andakíl, Borg., bóndi, síðar verkamaður á Akranesi, f. 13. september 1867, d. 8. maí 1964, og kona hans Eyrún Guðmundsdóttir frá Ölvaldsstöðum, húsfreyja, f. 14. janúar 1876, d. 9. september 1962.

Gísli var með foreldrum sínum, á Ölvaldsstöðum 1901, í Vestra-Skorholti í Leirársveit 1910.
Þau Hildur áttu sambúð, eignuðust fjögur börn, en misstu tvö þeirra á fyrsta ári þeirra. Þau bjuggu um skeið í Neskaupstað, fluttu til Eyja 1930, þar sem Gísli var lýsiskaupmaður, en fjarstaddur við manntal 1930. Þau bjuggu á Arnarnesi við Brekastíg 36. Þau fluttu til Akraness 1931 og bjuggu þar á Litlabakka, en Hildur lést 1941.
Gísli giftist Karen 1941. Þau eignuðust tvö börn. Hann dvaldi 4 ár í Noregi, bjó á Sauðárkróki 1947-1952, síðast á Vesturgötu 70 á Akranesi.
Gísli hafði eftirlit með verkun síldar og annarra fiskafurða. Hann var upphafsmaður að hirðingu og verkun hrogna til útflutnings.
Gísli ritaði blaðagreinar og ritaði um skeið fréttir í Gula Tidende í Noregi.

I. Barnsmóðir Gísla var Hólmfríður Jóhannesdóttir, f. 4. október 1893, d. 21. júní 1968.
Barn þeirra:
1. Úlfljótur Baldur Gíslason endurskoðandi í Reykjavík, f. 30. júní 1930, d. 28. september 1991.

II. Sambúðarkona Gísla var Hildur Jóhannesdóttir húsfreyja, f. 23. ágúst 1906 í Neskaupstað, d. 21. apríl 1941.
Börn þeirra:
1. Jóhanna Gísladóttir, f. 26. september 1926, d. sama ár.
2. Gísli Vilhjálmur Gíslason sjómaður, vélstjóri, f. 30. október 1928, drukknaði 9. nóvember 1959 .
3. Eyrún Gísladóttir húsfreyja, hjúkrunarfræðingur, f. 17. janúar 1931. Maður hennar sr. Árni Sigurðsson.
4. Ingvi Gíslason, f. 10. apríl 1935, d. sama ár.

III. Kona Gísla, (í október 1941), var Karen Haug Vilhjálmsson húsfreyja, f. 17. júlí 1908 í Hedmarkfylki í Noregi, d.23. nóvember 1982. Foreldrar hennar voru Bernhard Haug óðalsbóndi, liðsforingi, og kona hans Thora Haug.
Börn þeirra:
5. Erla Elísabet Gísladóttir húsfreyja, f. 6. júní 1933 í Eidsberg í Noregi. Maður hennar Stefán Sigurðsson lögfræðingur.
6. Anna Jóna Gísladóttir húsfreyja, f. 16. desember 1945 á Sauðárkróki. Maður hennar Jón R. Þorgrímsson bifvélavirki.

---

Heimildir

• Samantekt: Víglundur Þór Þorsteinsson.
• Borgfirzkar æviskrár. Margir höfundar. Sögufélag Borgarfjarðar 1969-2007.
• Íslendingabók.
• Manntöl.
• Prestþjónustubækur.
• Æviskrár Akurnesinga. Ari Gíslason. Sögufélag Borgfirðinga 1982-1987.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---