Jón Hjaltalín Hermundsson

Jón Hjaltalín Hermundsson.

Jón Hjaltalín Hermundsson frá Strönd í V.-Landeyjum, sjómaður fæddist þar 17. september 1923 og lést 10. ágúst 2006 á Landakotsspítala.
Foreldrar hans voru Hermundur Einarsson bóndi, f. 17. júlí 1880 á Skeggjastöðum í V.-Landeyjum, d. 8. júní 1964, og kona hans Guðrún Jónsdóttir frá Strönd, húsfreyja, f. þar 29. apríl 1890, d. 20. september 1961.

Jón var með foreldrum sínum í æsku.
Hann vann við bú foreldra sinna.
Hann stundaði sjósókn á vetrarvertíðum í Eyjum, en vann hjá Ársæli Sveinssyni milli vertíða. Einnig tók hann þátt í síldveiðum á árum þeirra.
Eftir flutning til Kópavogs vann Jón hjá Eimskipafélagi Íslands við afgreiðslu skipa í Sundahöfn.
Þau Ása giftu sig 1956, eignuðust tvö börn. Þau bjuggu á Huldulandi við Heiðarveg 41 og Hásteinsvegi 52, en síðast á Birkigrund 64 í Kópavogi.
Ása lést 2002. Jón dvaldi síðast á heimili aldraðra í Kópavogi.
Hann lést 2006.

Kona Jóns, (17. júní 1956), var Ása Magnúsdóttir frá Lambhaga, verkakona, húsfreyja, f. 15. júlí 1931, d. 8. júlí 2002.
Börn þeirra:
1. Hermann Gunnar Jónsson, f. 23. febrúar 1956. Kona hans Emma K. Garðarsdóttir.
2. Magnús Rúnar Jónsson verslunarmaður, f. 18. febrúar 1958. Kona hans Auður Gunnarsdóttir.

---

Heimildir

• Samantekt: Víglundur Þór Þorsteinsson.
• Íbúaskrá Vestmannaeyja 1972.
• Íslendingabók.is.
• Morgunblaðið 27. ágúst 2006. Minning.
• Prestþjónustubækur.
• Sjómannadagsblað Vestmannaeyja.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---