Hjálmar Guðnason

Hjálmar Guðnason fæddist á Vegamótum í Vestmannaeyjum 9. desember 1940, og lést 27. janúar 2006. Eiginkona Hjálmars var Kristjana Svavarsdóttir og áttu þau sex börn saman. Börn þeirra eru Anna Kristín, Guðni, Sigurbjörg, Ásta Margrét og Ólafur. Á fyrri árum var Hjálmar kenndur við Vegamót, en eftir gos var hann oft kenndur við heimili sitt, Hól. Hjálmar, ásamt Ólafi Gränz, var fyrstur til að komast að því að eldgos væri hafið, og eflaust voru þeir tveir þeir einu sem sáu jörðina rifna og eldgosið hefjast.

Tónlistarstarf

Hjálmar starfaði lengi sem loftskeytamaður, áður en hann hóf störf við Tónlistarskólann. Kenndi hann á ýmis blásturshljóðfæri, en trompetið var hans aðalhljóðfæri. Hjálmar tók við Lúðrasveit Vestmannaeyja árið 1977 og stjórnaði henni í 11 ár. Síðustu ár Hjálmars reisti hann upp starf Skólalúðrasveitarinnar og lagði grunninn að sterku ungmenna-lúðrasveitarstarfi við Listaskólann.

Kirkjustarf

Hjálmar gekk í Hvítasunnukirkjuna árið 1977 og var stólpi í henni til dauðadags. Árið 1980 var Hjálmar vígður sem öldungur við kirkjuna. Hann tók virkan þátt í safnaðarstarfinu og þá sérstaklega í tónlistarstarfinu. Starfrækti hann fjölda kóra, karla- og kvennakóra jafnt sem barnakóra. Stórt skarð myndaðist við fráfall Hjálmars, en þess má geta að við fráfall hans tók söfnuðurinn sig saman og gerði upp Samkomuhúsið, stóra sal Hvítasunnukirkjunnar. Ekki veitti af, því að um 600 manns komu í jarðarför Hjálmars, sem fór fram þann 4. febrúar 2006.