Ingibjörg Ólafsdóttir (Vatnsdal)

Ingibjörg Ólafsdóttir í Vatnsdal, húsfreyja, verkakona fæddist 28. mars 1907 í Vík í Mýrdal og lést 6. janúar 1989.
Foreldrar hennar voru Ólafur Ólafsson bóndi, f. 17. október 1879 á Lækjarbakka í Landbroti, V-Skaft., d. 25. maí 1935 í Vík, og kona hans Ragnhildur Gunnarsdóttir húsfreyja, f. 27. júlí 1869 í Gunnarsholti í Mýrdal, d. 6. febrúar 1945 í Vík.

Ingibjörg var með foreldrum sínum til 1927, er hún fluttist til Eyja.
Þau Sigurður giftu sig 1927, eignuðust sex börn. Þau bjuggu í Vatnsdal meðan báðum entist líf.
Sigurður lést 1951. Ingibjörg vann fyrir heimilinu með fiskvinnslustörfum í Hraðfrystistöðinni, bjó áfram í Vatnsdal til Goss, síðar á Faxastíg 34, en síðast á Áshamri 7. Hún lést 1989.

I. Maður Ingibjargar, (26. febrúar 1927), var Sigurður Högnason frá Vatnsdal, verkamaður, f. 4. október 1897 á Norðfirði, d. 30. ágúst 1951.
Börn þeirra:
1. Ásta Hildur Sigurðardóttir, f. 11. janúar 1928 í Vatnsdal, d. 4. nóvember 2014.
2. Högni Sigurðsson, f. 19. janúar 1929, d. 11. september 2018.
3. Ólafur Ragnar Sigurðsson, f. 3. mars 1931 í Vatnsdal.
4. Sigríður Sigurðardóttir, f. 26. ágúst 1932 í Vatnsdal, d. 2. maí 1992.
5. Kristín Ester Sigurðardóttir, f. 5. febrúar 1939 í Vatnsdal, d. 11. maí 1988.
6. Hulda Sigurbjörg Sigurðardóttir, f. 27. ágúst 1947 í Vatnsdal.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.
• Vestur-Skaftfellingar 1703-1966. Björn Magnússon. Leiftur 1970-1973.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---