Guðrún Margeirsdóttir

Guðrún Margeirsdóttir frá Hæli, hjúkrunarfræðingur fæddist þar 25. ágúst 1929.
Foreldrar hennar voru Margeir Guðmundur Rögnvaldsson verkamaður, f. 10. júní 1898 í Hnífsdal, Ís., d. 20. nóvember 1930, og kona hans Anna Gíslína Gísladóttir húsfreyja, f. 6. júlí 1898, d. 11. september 1984.

Börn Önnu og Margeirs fyrri manns hennar:
1. Sigurþór Margeirsson bifvélavirkjameistari, forstjóri Hafrafells, f. 27. október 1925 á Kalastöðum á Stokkseyri, d. 22. ágúst 2002.
(Knudsen 3059) 2. Sigurður Valdimar Ragnar Margeirsson, f. 17. ágúst 1928 á Hæli, d. 5. mars 1931.
3. Guðrún Margeirsdóttir hjúkrunarfræðingur, f. 25. ágúst 1929 á Hæli.
Börn Önnu og Sigurðar:
4. Trausti Sigurðsson stýrimaður, starfsmaður ÍSALS, f. 14. desember 1932 á Hæli.
5. Brynja Sigurðardóttir húsfreyja, f. 20. júní 1934 á Hæli, d. 23. september 2011.

Faðir Guðrúnar lést, er hún var á öðru ári.
Hún ólst upp með móður sinni og Sigurði Sigurðssyni stjúpföður sínum, gekk í Kvöldskóla iðnaðarmanna 1943-1944, en lauk námi í Hjúkrunarskóla Íslands 1951.
Guðrún vann við Sjúkrahúsið í Eyjum 1951-1952, Kleppsspítalann á árin 1953.
Hún vann á Sahlgrenska sjúkrahúsinu í Gautaborg 1953-1954, á fæðingadeild Landspítalans 1954-1957, á Kleppsspítalanum í tvo mánuði 1957.
Þá vann hún á Midway Hospital í St. Paul í Minnesota 1. desember 1957-15. nóvember 1963, á Landakotsspítala frá 20. apríl 1964-1968, síðan á Landspítalanum og lauk námi í svæfingahjúkrun 1970.
Guðrún var svæfingahjúkrunarkona á Lanspítala frá 1. júlí 1970, deildarstjóri frá 1976. Hún er ógift og barnlaus.

---

Heimildir

• Samantekt: Víglundur Þór Þorsteinsson.
• Hjúkrunarfræðingatal I-III. Hjúkrunarfélag Íslands 1969-1992.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---