Páll Ingibergsson (Hjálmholti)

Páll Ingibergsson fæddist 6. maí 1913 í Hjálmholti í Vestmannaeyjum og lést 15. janúar 1988. Foreldar hans voru Guðjónía Pálsdóttir og Ingibergur Hannesson. Árið 1941 kvæntist hann Marín Guðjónsdóttur. Fyrst var heimili þeirra að Sætúni og síðar á Ásavegi 27. Þau eignuðust ekki börn, en tóku kjörson sem heitir Gunnar Reynir. Árið 1946 keypti hann 55 tonna bát frá Svíþjóð sem hann, ásamt bróður sínum, gaf nafnið Reynir VE-15. Þennan bát áttu bræðurnir til 1966 þegar þeir seldu hann til Þorlákshafnar. Þegar Páll hætti á sjónum hafði hann verið sjómaður í 45 ár, þar af skipstjóri í 37 ár. Hann keypti þá lítið fyrirtæki, Selloplast, sem framleiðir sellofonpoka.

---

Heimildir

• Friðrik Ásmundsson. Minningargrein um Pál Ingibergsson. Sjómannadagsblað Vestmannaeyja. 1989.