Þorsteinn Laufdal

Þorsteinn Gísli Óskarsson Laufdal.

Þorsteinn Gísli Óskarsson Laufdal frá Hnappsstöðum á Skagaströnd, bankamaður fæddist þar 8. nóvember 1930 og lést 19. september 2020 á Hjúkrunarheimilinu Eir.
Foreldrar hans voru Óskar Janúaríus Bergsson Laufdal sjómaður, f. 27. janúar 1885, d. 24. janúar 1946 á Blönduósi og sambúðarkona hans Helga Vilhelmína Sigurðardóttir frá Móum, húsfreyja, f. 15. apríl 1902, d. 18. mars 1974.

Þorsteinn vann hjá Sólargluggatjöldum og síðar hjá Landsbankanum.
Hann barðist við berklaveiki fyrstu hjúskaparár sín, var um skeið á Vífilsstöðum.
Þau Jóhanna giftu sig 1954, eignuðust þrjú börn. Þau bjuggu í fyrstu í Reykjavík, þá á Túngötu 27 í Eyjum frá 1968 til Goss 1973, en fluttu þá til Reykjavíkur.
Þau dvöldu að síðustu á Hjúkrunarheimilinu Eir.
Þorsteinn lést 2020 og Jóhanna 2022.

I. Kona Þorsteins Laufdals, (6. júní 1954), var Jóhanna Guðbjörg Tómasdóttir frá Brekku við Faxastíg 4, húsfreyja, f. þar 13. júlí 1931, d. 18. febrúar 2022.
Börn þeirra:
1. Njála Þorsteinsdóttir Laufdal húsfreyja, f. 21. janúar 1954. Maður hennar Friðrik Baldursson.
2. Helga Þorsteinsdóttir Laufdal húsfreyja, f. 27. október 1956. Maður hennar Hans Ragnar Þorsteinsson.
3. Ósk Laufdal Þorsteinsdóttir, listamaður, f. 14. apríl 1958. Maður hennar Ólafur Kolbeins Júlíusson.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið 2. október 2020. Minning.
• Prestþjónustubækur.
• Ættir Austur-Húnvetninga. Guðmundur Sigurður Jóhannsson og Magnús Björnsson. Mál og mynd 1999.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---