Sigurður Magnússon (Heiði)

Sigurður Magnússon.

Sigurður Magnússon frá Stóru-Heiði, vinnuvélastjóri, bifreiðastjóri fæddist 19. apríl 1965 og lést 24. ágúst 2021 á Eyrarbakka.
Foreldrar hans voru Magnús Stefán Sigurðsson sjómaður, f. 14. september 1938, d. 23. júní 1996, og kona hans Guðrún Þorsteinsdóttir húsfreyja, f. 17. maí 1943.

Börn Guðrúnar og Magnúsar:
1. María Magnúsdóttir, f. 15. desember 1959 í Keflavík. Maður hennar Viðar Erlingsson.
2. Sigurður Magnússon vinnuvélastjóri, bifreiðastjóri, f. 19. apríl 1965 í Eyjum, d. 24. ágúst 2021.

Sigurður var með foreldrum sínum í æsku, á Kirkjubæjarbraut 2 við Gos 1973. Þau fluttu til Keflavíkur.
Hann vann mest á stórum vinnuvélum, en einnig ók hann ferðabíl fatlaðra og farþegarútum víða.
Þau Björk giftu sig 1997, eignuðust fjögur börn. Þau fluttu á Selfoss 2004. Sigurður lést í vinnuslysi á Eyrarbakka 2021.

I. Kona Sigurðar, (23. apríl 1997), er Björk Reynisdóttir húsfreyja, f. 31. mars 1968. Foreldrar hennar Reynir Geirsson sjómaður, verkamaður, húsvörður, f. 27. ágúst 1920, d. 24. maí 1994, og Guðlaug Bjarney Elíasdóttir húsfreyja, verkakona, f. 13. september 1928, d. 23. febrúar 2000.
Börn þeirra:
1. Magnús Stefán Sigurðsson, f. 10. nóvember 1990. Kona hans Elísabet Jónsdóttir.
2. Elías Arnþór Sigurðsson, f. 28. nóvember 1994. Unnusta hans Theodóra Jóna Guðnadóttir.
3. Aníta Guðrún Sigurðardóttir, f. 19. mars 2000. Unnusti hennar Bergsveinn V. Ásmundsson.
4. Dagbjört Sara Sigurðardóttir, f. 1. september 2006.

---

Heimildir

• Samantekt: Víglundur Þór Þorsteinsson.
• Íbúaskrá Vestmannaeyja 1972.
• Morgunblaðið 2. september 2021. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---