Sigurður Gíslason (Helli)

Sigurður Gíslason verkamaður, síðar múrarameistari í Helli fæddist 8. júní 1885 í Voðmúlastaða-Miðhjáleigu í A-Landeyjum og lést 6. júní 1951.
Foreldrar hans voru Gísli Arnbjörnsson ráðsmaður í Miðhjáleigu, f. 7. júlí 1854, d. 8. nóvember 1902, og ekkjan og húsfreyjan þar Guðrún Jónsdóttir, f. 16. september 1855, d. 7. júní 1915.

Sigurður fluttist úr V-Landeyjum til Eyja 1910, var sjómaður í Laufási til 1913.
Þau Oktavía Guðný giftu sig 1917 og bjuggu í Hraungerði 1917-1923.
Þau reistu húsið Helli 1923 og bjuggu þar síðla árs 1923 og síðan.
Þau eignuðust þar 4 börn, en fyrsta barn þeirra var andvana fædd stúlka.
Sigurður var verkamaður, vann við múrverk og öðlaðist múrararéttindi.

Kona Sigurðar, (24. nóvember 1917), var Oktavía Guðný Guðmundsdóttir frá Seyðisfirði, húsfreyja í Helli f. 5. október 1893, d. 22. október 1980.
Börn þeirra voru:
1. Andvana stúlka, f. 16. ágúst 1921 í Hraungerði.
2. Elsa Dóróthea Sigurðardóttir húsfreyja á Húsavík, f. 4. nóvember 1922, d. 7. júní 1997.
3. Oddný Guðrún Sigurðardóttir húsfreyja í Hafnarfirði , f. 28. ágúst 1927, d. 26. febrúar 1997.
4. Guðmundur Vignir Sigurðsson vélstjóri í Eyjum, f. 20. desember 1933, d. 5. nóvember 1978.

---

Heimildir

• Samantekt: Víglundur Þór Þorsteinsson.
• Íslendingabók.is.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---