Þorkell Sigurðsson (Presthúsum)

Þorkell Guðlaugur Sigurðsson frá Njarðvík á Borgarfirði eystra, vélstjóri, járnsmiður fæddist 16. janúar 1913 og lést 25. desember 1998.
Foreldrar hans voru Sigurður Þorkelsson bóndi í Njarðvík, f. 7. ágúst 1865, drukknaði 12. nóvember 1923 og kona hans Guðný Sigurðardóttir húsfreyja, f. 15. september 1877, d. 20. ágúst 1963.

Þorkell var með foreldrum sínum í bernsku, en faðir hans drukknaði við björgunarstörf 1923.
Hann eignaðist barn með Ólafíu 1937.
Þau Rakel giftu sig í Eyjum 1939 og bjuggu í Presthúsum, eignuðust tvö börn þar. Þau fluttust til Reykjavíkur síðari hluta fimmta áratugarins, en Rakel átti við berklaveiki að stríða og dvaldi löngum á Vífilsstöðum.
Þau byggðu húsið að Njörvasundi 23 með þátttöku Kára bróður Rakelar og þar bjuggu fjölskyldur beggja ásamt Þórunni móður systkinanna.
Rakel lést 1980 og Þorkell 1998.

I. Barnsmóðir Þorkels var Ólafía Einarsdóttir húsfreyja í Neskaupstað, f. 27. nóvember 1913 á Krossi á Berufjarðarströnd, S.-Múl., d. 28. júlí 1986.
Barn þeirra:
1. Sigurður Einar Þorkelsson í Kópavogi, f. 20. júlí 1937 í Reykjavík.

II. Kona Þorkels Guðlaugs, (9. desember 1939), var Rakel Káradóttir frá Presthúsum, húsfreyja, f. 4. september 1917, d. 10. ágúst 1980.
Börn þeirra:
2. Karl Þór Þorkelsson útvarpsvirki í Reykjavík, f. 15. október 1939 í Presthúsum, d. 8. júní 2010. Kona hans, skildu, er Sigrún Reykjalín Eymundsdóttir.
3. Sigurður Þorkelsson vélvirki hjá Marel hf., f. 19. september 1943 í Presthúsum. Kona Messíana Gísladóttir.

---

Heimildir

• Samantekt: Víglundur Þór Þorsteinsson.
• Íslendingabók.is.
• Magnús Haraldsson.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---