Sigfús Scheving

Sigfús ásamt konu sinni Sesselju og barnabörnum.

Sigfús Vigfússon Scheving, Heiðarhvammi, fæddist á Vilborgarstöðum í Vestmannaeyjum 2. maí 1886 og lést 3.maí 1964. Foreldrar hans voru Vigfús P. Scheving og Friðrika Sighvatsdóttir. Sigfús var kvænur Sesselju Sigurðardóttur og bjuggu þau í Heiðarhvammi við Helgafellsbraut. Þau eignuðust tvö börn, Helga og Guðrúnu Sigríði. Sigfús lifði eiginkonu sína, en hann lést rúmum 10 árum eftir fráfall hennar.

Sigfús byrjaði ungur sjómennsku í Eyjum á opnu skipi. Um tvítugt fór Sigfús í Sjómannaskóla Reykjavíkur og lauk þar meira fiskimannaprófi eftir einn vetur með fyrstu einkunn. Var Sigfús sá fyrsti sem lauk þessu prófi frá Vestmannaeyjum. Sigfús kom aftur til Vestmannaeyja árið 1911. Ári síðar gerðist hann formaður með Kapitólu en 21. apríl 1912 sökk hún. Þrír björguðust en einn drukknaði. Eftir það var Sigfús meðal annars formaður á Haffrú VE og Maí VE 275.

Sigfús.

Sigfús var bæjarfulltrúi í um 20 ár og þótti góðgjarn, hollráður og hreinskilinn í því hlutverki. Hann var í sóknarnefnd Landakirkju í 12 ár, og sótti hann kirkju alla tíð. Hann átti þátt í stofnun Lifrarsamlags Vestmannaeyja, Olíusamlags Vestmannaeyja, Björgunarfélagsins og K.F.U.M. Hann átti sæti í ýmis konar stjórnum, K.F.U.M. og Oddfellowstúkannar Herjólfs ef eitthvað skyldi nefnt.

Myndir

• 
• 
• 
• 
• 
• 
• 
• 
• 
• 
• 
• 
• 
• 
• 

---

Heimildir

• Einar Guttormsson. Sigfús Vigfússon Scheving, minningargrein. Sjómannadagsblað Vestmannaeyja. 1964.
• Sjómannablaðið Víkingur. Farmanna- og Fiskimannasamband Íslands.