Marta Björnsdóttir (Túngötu 3)

Filippía Marta Guðrún Björnsdóttir húsfreyja fæddist 15. nóvember 1926 á Skipagötu 14 á Ísafirði og lést 24. ágúst 1989.
Foreldrar hennar voru Björn Björnsson sjómaður á Ísafirði, síðast á Hrafnistu í Reykjavík, f. 7. júlí 1889 á Bæjum á Snæfjallaströnd, N.-Ís, d. 19. júlí 1964, og kona hans Ingveldur Ólína Hermannsdóttir húsfreyja, f. 4. júní 1887 á Læk í Aðalvík, N.-Ís., síðast á Hrafnistu í Reykjavík, d. 5. maí 1963.

Marta var með foreldrum sínum í æsku.
Hún lauk gagnfræðaprófi á Ísafirði og nam við Húsmæðraskólann Ósk þar.
Marta vann hjá Pósti og síma á Borðeyri og síðar í Reykjavík.
Hún tók gildan þátt í leikstarfsemi í Eyjum.
Þau Magnús giftu sig 1951, eignuðust fjögur börn, bjuggu í fyrstu í Reykjavík. Þau fluttust til Eyja um 1956, bjuggu á Vestmannabraut 22B, byggðu hús við Túngötu 3 og dvöldu þar til Goss.
Þau bjuggu síðast á Skriðustekk 14 í Reykjavík.
Marta lést 1989.
Magnús bjó síðast á Sléttuvegi 13 í Reykjavík. Hann lést 2006.

I. Maður Mörtu, (23. nóvember 1951), var Magnús H. Magnússon, stöðvarstjóri, bæjarstjóri, ráðherra, f. 30. september 1922, d. 23. ágúst 2006.
Börn þeirra:
1. Sigríður Magnúsdóttir lífeindafræðingur, f. 8. febrúar 1950. Fyrrum maður hennar Þorsteinn Broddason. Fyrrum maður hennar Jón Pálsson.
2. Páll Magnússon fréttamaður, útvarpsstjóri, þingmaður, f. 17. júní 1954. Fyrrum kona hans María Sigrún Jónsdóttir. Kona hans Hildur Hilmarsdóttir.
3. Björn Ingi Magnússon tölvunarfræðingur, f. 18. apríl 1962. Kona hans Margrét R. Ragnarsdóttir.
4. Helga Bryndís Magnúsdóttir píanóleikari, f. 2. maí 1964. Fyrrum maður hennar Guðmundur Óli Gunnarsson. Maður hennar Daníel Hilmarsson, látinn.

---

Heimildir

• Samantekt: Víglundur Þór Þorsteinsson.
• Garður.is.
• Íslendingabók.is.
• Manntöl.
• Morgunblaðið 5. september 1989. Minning Mörtu.
• Morgunblaðið 1. september 2006. Minning Magnúsar.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---