Sjómannadagsblað Vestmannaeyja 2008/Líkanasmiðurinn Tryggvi Sigurðsson

Líkanasmiðurinn Tryggvi Sigurðsson, vélstjóri

Hér á opnunni sjást nokkur sýnishorn.

Glófaxi VE 300 (Sk,nr 244) - Upphaflega hét hann Gullberg NS 11 og síðan VE 292. Hann var smíðaður hjá Skipaviðgerðum h/f í Vestmannaeyjum 1964 og var 162 brl. Hann var yfirbyggður 1985. Líkan þetta er unnið á árunum 2002 til 2003 og er af bátnum eins og hann var upphaflega og er í hlutföllunum 1:25. Eigandi Bergvin Oddsson.

Beitir NK 123 (Sk, nr 226) - Upphaflega hét hann Þormóður goði RE 209 og var smíðaður í Bremerhaven í Þýskalandi 1958 sem síðutogari. Honum var breytt í nótaskip 1978 og fékk þá nýtt nafn, Ó Óskars RE 175. Hann var seldur til Neskaupstaðar 1981 og fékk þá sitt síðasta nafn, Beitir NK 123. Honum var breytt mikið í Pólandi 1995. Beitir var seldur í brotajárn 2007. Líkan þetta er af honum eins og hann var eftir síðustu breytingar. Það er unnið á árunum 1998 til 2001 og er í hlutföllunum 1:50. Eigandi er Síldarvinnslan í Neskaupstað.

Helgi VE 333 - Hann var smíðaður í Dráttarbraut Vestmannaeyja 1939 og var þá stærsti bátur sem smíðaður hafði verið innanlands, 119 br. Eigandi var Helgi Benediktsson, Líkan þetta er unnið á árunum 1998 til 2002 og er í hlutföllunum 1:24 og er í eigu Tryggva Siguðssonar.

Dala-Rafn VE, 508 (Sk, nr 1379) - Upphaflega hét hann Mummi GK 120 og var smíðaður hjá Slippstöðinni á Akureyri 1974. Hann var seldur til Vestmannaeyja 1976 og fékk þá nafnið. Ölduljón VE 130, seldur innanbæjar 1980 og hét þá Dala-Rafn VE 508. Honum var breytt mikið hjá Skipalyftunni hér í Eyjum 1986 og er líkanið af honum eins og hann var eftir breytingar. Það er unnið á árunum 2004 til 2005 og er í hlutföllunum 1:25. Eigandi er Þórður Rafn Sigurðsson.

• Efnisyfirlit: Sjómannadagsblað Vestmannaeyja