Skoða efni Sjómannadgsblað Vestmannaeyja 1978/ Verðlaunagripir

<big><big><center>Verðlaunagripir</center></big></big><br>

Í júnímánuði 1976 barst sjómannadagsráði bréf frá þeim hjónum, [[Sigríður Sigurðardóttir|Sigríði Sigurðardóttur]] frá [[Skuld]] og [[Ingólfur Theódórsson|Ingólfi Theódórssyni]], netagerðarmeistara, þar sem þau tilkynna, að þau hafi ákveðið að gefa verðlaunagripi, eins og fram kemur í bréfi þeirra, sem hér fer á eftir. Bréfið er svohljóðandi:

''Vestmannaeyjum 12. júní 1976.''<br>

''Sjómannadagsráð Vestmannaeyja, Vestmannaeyjum.''<br>

''Við undirrituð höfum ákveðið að gefa Sjómannadagsráði verðlaunagrip til verðlaunaveitinga handa bát að stærðinni upp að 150 tonnum, sem aflar sinn afla að mestum hluta í troll. Ennfremur annað handa þeim, sem eru yfir 150 tonn.''<br>
''Miðað verður við aflaverðmæti og fyrst afhent á Sjómannadegi 1977.''<br>
''Nánar í reglugerð, sem mun fylgja.''<br>

Samkvæmt bréfi þessu er um ný verðlaun að ræða, sem hafa ekki verið veitt áður, og er Sjómannadagsráð þakklátt þeim hjónum fyrir þetta viðvik.<br>
Því miður tókst ekki að veita umrædd verðlaun á Sjómannadegi 1977, eins og gert er ráð fyrir í bréfi gefenda, en verðlaunaveitingin mun fara fram á Sjómannadegi 1978 í fyrsta sinn. Hefur reglugerð nú verið samin og gripir fengnir. Birtist hún hér í blaðinu og er í tvennu lagi, annars vegar fyrir afla báta yfir 200 lestir, hinsvegar báta allt að 200 lestum. Í gjafabréfinu er að vísu gert ráð fyrir stærðarmörkunum 150 tonn, en því hefur verið breytt í reglugerðinni, sem fer hér á eftir.<br>

'''Reglugerð fyrir skip 200 lesta og meira.'''<br>

Þessi líking af vita skal vera farandverðlaunastykki handa skipi yfir 200 lestir, sem er skráð í Vestmannaeyjum og fær mesta heildaraflaverðmæti í togveiðarfæri síðastliðins árs, þ.e. frá 1/1 til 31/12.<br>
Skipstjóri skipsins skal eiga lögheimili í Vestmannaeyjum það ár, sem verðlaun eru veitt fyrir.<br>

Vestmannaeyjum 11/5 1978<br>

Sigríður Sigurðardóttir, Ingólfur Theódórsson.<br>

<center>[[Mynd:Verðlaunagripir_1.png|300px]]</center><br>

'''Reglugerð fyrir togskip að 200 brúttólestum.'''<br>

Þessi líking af radar á að vera farandverðlaunastykki handa báti; skráðum í Vestmannaeyjum, allt að 200 lesta, sem er með mesta heildaraflaverðmæti síðastliðins árs, þ.e. frá 1/1 til 31/12. Af því skal minnst 75% vera fengið í togveiðarfæri.<br>
Skipstjóri bátsins skal eiga lögheimili í Vestmannaeyjum á því ári, sem verðlaunin eru veitt fyrir.<br>

Vestmannaeyjum 11/5 1978<br>

Sigríður Sigurðardóttir, Ingólfur Theódórsson.<br>

<center>[[Mynd:Verðlaunagripir_2.png|300px]]</center><br>

<center>[[Mynd:Friðarhöfn_og_Botninn.png|700px]]</center><br>

{{Sjómannadagsblað Vestmannaeyja}}