Skoða efni Gunnhildur Helgadóttir (Staðarhóli)

'''Gunnhildur Svava Helgadóttir''' frá [[Staðarhóll|Staðarhóli]], húsfreyja, móttökuritari fæddist 10. apríl 1935 á [[Heiði|Heiði við Sólhlíð 19]].<br>
Foreldrar hennar voru [[Helgi Jónatansson (Staðarhóli)|Helgi Jónatansson]] frá Efsta-Bóli í Önundarfirði, kaupmaður, útgerðarmaður, útflytjandi, f. 1. apríl  1887, d. 1. október 1950, og kona hans [[Ellen Marie Steffensen Jónatansson|Ellen Marie Nielsine Torp Steffensen Jónatansson]] húsfreyja, trúboði frá Kalundborg í Danmörku, f.  2. mars 1899, d. 17. nóvember 1941.

Börn Helga og Ellen Marie:<br>
1.	[[Helga S. Helgadóttir (Staðarhóli)|Helga Signý Helgadóttir]], f. 14. september 1932, d. 24. febrúar 2020.<br>
2.	[[Ása Helgadóttir (Staðarhóli)|Ása Sigríður Helgadóttir ]], f. 18. mars 1930, d. 5. júlí 2015.<br>
3.	[[Gunnhildur Helgadóttir (Staðarhóli)|Gunnhildur Svava Helgadóttir]], f. 10. apríl  1935.
 
Gunnhildur var með foreldrum sínum, á [[Heiði|Heiði við Sólhlíð 19]], á [[Haukaberg|Haukabergi við Vestmannabraut 11]] og á Staðarhóli.<br>
Móðir hennar lést, er Gunnhildur var á sjöunda árinu. Hún var með föður sínum, en hann lést, er hún var á 15. árinu.<br>
Gunnhildur lauk gagnfræðaprófi í Héraðsskólanum í Skógum 1952, lauk námi í Húsmæðraskólanum í Reykjavík 1955.<br>
Hún var kaupakona á Þorvaldseyri u. Eyjafjöllum 1952, kom til Eyja í nóvember á því ári. Hún vann hjá Hótel HB í 18 mánuði, var afgreiðslumaður hjá Kjöt og grænmeti í Reykjavík  í 2 ár, vann á skrifstofu SÍS í eitt ár. Þá fór hún í ferðalag til Danmerkur og Þýskalands. Síðan vann hún á skrifstofu hjá Magnúsi Kjaran stórkaupmanni í eitt og hálft ár. Hún var að síðustu móttökuritari á Borgarspítalanum 1985-2002.<br>
Gunnhildur söng með kórum, var félagi í Kvenfélaginu Heimaey í Reykjavík.<br>
Þau Bogi giftu sig 1961, eignuðust tvö börn. Þau bjuggu í Stóragerði, Sólheimum, Álfheimum og búa nú við Lækjarsmára í Kópavogi.

I.	Maður Gunnhildar, (3. ágúst 1961), er Bogi Vignir Þórðarson frá Hellu á Rangárvöllum, loftskeytamaður, f. 16. september 
1936. Foreldrar hans voru Þórður Bogason bóndi, verkamaður, kennari, gjaldkeri, oddviti, f. 31. mars 1902 í Varmadal á Rangárvöllum, d. 29. nóvember 1987, og kona hans Kristín Sigfúsdóttir Thorarensen frá Hróarsholti í Flóa, húsfreyja, f. 11. október 1910, d. 2. janúar 1998.<br>
Börn þeirra:<br>
1.	Þórður Bogason lögmaður, f. 26. júní 1963. Kona hans Rannveig Guðjónsdóttir.<br>
2.	Helgi Bogason rekstrarfræðingur, f. 18. október 1968. Kona hans Estella Dagmar Ottósdóttir Björnsson.


{{Heimildir|
*Samantekt: [[Víglundur Þór Þorsteinsson]]. 
*Gunnhildur.
*Íslendingabók.
*Prestþjónustubækur.
*Rangvellingabók. Valgeir Sigurðsson. Rangárvallahreppur, Hellu 1982.}}
{{Æviskrár Víglundar Þórs}}
[[Flokkur: Húsfreyjur]]
[[Flokkur: Verslunarmenn]]
[[Flokkur: Fólk fætt á 20. öld]]
[[Flokkur: Íbúar á Heiði]]
[[Flokkur: Íbúar við Sólhlíð]]
[[Flokkur: Íbúar á Haukabergi]]
[[Flokkur: Íbúar við Vestmannabraut]]
[[Flokkur: Íbúar á Staðarhól]]
[[Flokkur: Íbúar við Kirkjuveg]]